8 މަހުން 158 ކިލޯ މަސްތުވާތަކެތި އަތުލައިގެންފި

8 މަސްދުވަހުން 158 ކިލޯ މަސްތުވާތަކެތި އަތުލައިގެންފައިވާ ކަމަށް ފުލުހުން ބުނެފި އެވެ.

ފާއިތުވި 8 މަސްދުވަހު ފުލުހުންގެ ޑްރަގް އެންފޯސްމަންޓު މަސައްކަތްތަކުގެ ތަފާސްހިސާބުތަކަށް ބަލާއިރު, އޮގަސްޓު 31 ގެ ނިޔަލަށް 158.8467 ކިލޯ މަސްތުވާތަކެތި ވަނީ އަތުލައިގަނެފައެވެ. އަދި 5252 ބަނގުރާފުޅި އަތުލައިގަނެފައިވާއިރު, މިތަކެތީގެ މަގުމަތީ އަގު 282.3 މިލިއަން ރުފިޔާއަށް އަރައެވެ.

ޑްރަގް އެންފޯސްމަންޓުން ހިންގި113 އޮޕަރޭޝަނުން 712 މީހަކު ވަނީ ހައްޔަރުކޮށްފައެވެ. އަދި 8554 މީހަކު ބަލައިފާސްކޮށްފައިވާއިރު, 80 ބިދޭސީއަކު ވަނީ އިމިގްރޭޝަނާ ހަވާލުކޮށްފައެވެ.

މި މުއްދަތުގައި ޑްރަގް އެންފޯސްމަންޓަށް 475 މައްސަލަ ހުށަހެޅިފައިވާއިރު, މީގެ ތެރެއިން 230 މައްސަލައެއްގައި ދައުވާކުރުމަށް ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވާ ކަމަށް ފުލުހުން ބުނެފައިވެއެވެ.

ގޭންގް ކްރައިމް އެންފޯސްމަންޓްގެ މަސައްކަތްތަކަށް ބަލާއިރު, 1 ޖަނަވަރީ 2024 އިން ފެށިގެން 31 އޯގަސްޓްގެ ނިޔަލަށް 12253 މީހުންނާ ވަނީ ސުވާލުކޮށްފައެވެ. މީގެތެރޭގައި 18 އަހަރުފުރުފައިވާ 2583 މީހުންނާ 331 ކުޑަކުދިން ހިމެނެއެވެ.

މި މުއްދަތުގައި ގޭންގް ކްރައިމް އެންފޯސްމަންޓުން ވަނީ 87775 ސަރަހައްދެއް ޗެކްކޮށް, 173 އުޅަނދު ޗެކްކޮށްފައެވެ. ގޭންގް ކުށްތަކާ ގުޅުންހުރި 2 ސަރަހައްދަކުން ގޮނޑިއާއި މޭޒު ނަގާފައިވާއިރު, 37 ގްރެފިޓީ ވަނީ ފޮހެލާފައެވެ.

ގޭންގް ކުށްތަކާ ގުޅުންހުރި މައްސަލަތަކުގައި 67 މީހަކު ވަނީ ހައްޔަރުކޮށްފައެވެ. އޭގެ ތެރެއިން 22 މީހަކު ބަހައްޓާފައިވަނީ ފުލުހުންގެ ހައްޔަރުގައެވެ. އަދި