--
ޓެލެގްރާމް މެސެޖިން އެޕްގެ ބާނީ އަދި ސީއީއޯ ޕަވެލް ޑުރޯވް އޭނާގެ މެސެޖިން އެޕްލިކޭޝަނާ ގުޅުން ހުރި ކުށްތަކެއް ހިންގި ކަމުގެ ތުހުމަތުގައި ފްރާންސްގެ ބުރްޖެޓް އެއާޕޯޓުން ހައްޔަރުކޮށްފި އެވެ.
އާދީއްތަ ދުވަހު އެގައުމުގެ މަސްދަރުތަކުން ބުނީ ދުރޯވް، 39، ފްރާންސަށް އައި އަޒަރުބައިޖާނުން އޭނާގެ ޕްރައިވެޓް ޖެޓުގައި ކަމަށާއި ފްރާންސުން އޭނާ ހައްޔަރުކުރުމުގެ އަމުރެއް ތަންފީޒުކޮށްފައިވަނީ އިބްތިދާއީ ތަހުގީގެއްގެ ތެރެއިން ކަމަށެވެ.
ނަން ނުޖެހުމަށް ޝަރުތުކޮށް މައުލޫމާތުދިން އޮފިޝަލުން ހަވާލާދީ އޭއެފްޕީ ނިއުސް އެޖެންސީން ބުނީ ކުޑަކުދިންނަށް ކުރާ އަނިޔާ ހުއްޓުވުމުގެ މަސައްކަތް ކުރާ އެޖެންސީއެއް ކަމަށްވާ ފްރާންސްގެ އޮފްމިން އިން ޑްރޯވްގެ މައްޗަށް ތުހުމަތު ކޮށްފައިވާ ކުށްތަކުގެ ތެރޭގައި މަކަރާއި ހީލަތް ހެދުމާއި މަސްތުވާތަކެތީގެ ވިޔަފާރި ކުރުމާއި ސައިބާ ބުލީން އަދި އޯގަނައިޒްޑް ކްރައިމް ހިމެނޭ ކަމަށެވެ.
ފްރާންސާއި ރަޝިޔއާއަށް ނިސްބަތްވާ ބިލިއަނަރު ޓެލެގްރާމްގެ ނުރައްކާތެރި ބޭނުންތަކާ ދެކޮޅަށް ފިޔަވަޅު ނާޅާ ކަމަށް ވެސް ތުހުމަތު ކުރެ އެވެ.
ފްރާންސްގެ މީޑިއާތަކުން ބުނާ ގޮތުގައި ދުރޯވްގެ މައްޗަށް އާދީއްތަ ދުވަހު ދައުވާ ކުރެވޭނެ އެވެ.
ފަރަންސޭސިވިލާތުގައި ހުންނަ ރަޝިޔާގެ އެމްބަސީން ވަނީ ދުރޯވްއަށް ކޮންސިއުލަރ އެކްސެސް ދިނުމަށް ގޮވާލައި، އޭނާގެ ޙައްޤުތައް ކަށަވަރުކުރުމަށް ގޮވާލާފައެވެ.
ފަހުގެ
