އައްޑޫ ސިޓީ ހިތަދޫ ގޮނޑުދޮށް ސާފުކުރުމުގެ ހަރަކާތެއް ކުރިއަށް ގެންގޮސްފި

އައްޑޫ ސިޓީ ހިތަދޫ ގޮނޑުދޮށް ސަރަހައްދު ސާފުކުރުމުގެ ހަރަކާތެއް ވެމްކޯއިން ކުރިއަށް ގެންގޮސްފި އެވެ.

ވެމްކޯ އިން ކުރިއަށް ގެންދިޔަ މި ހަރަކާތުގައި އެމްއެންޑީއެފް ސަދަން އޭރިއާ ކޮމާންޑުގެ ސިފައިން ވެސް ވަނީ ބައިވެރިވެފައެވެ.

ޖުލައި 19 ވަނަ ދުވަހު ހެނދުނު 06:30 އިން 08:30 އަށް ކުރިއަށް ގެންދިޔަ މި ހަރަކާތުގައި، ސިފައިންގެ އިތުރުން އެ ހިތަދޫގެ ސްކޫލުތަކާއި އެހެނިހެން މުއައްސަސާތަކުން ވެސް ބައިވެރިވިއެވެ.

މި ހަރަކާތުގައި އައްޑޫ ސިޓީ ހިތަދޫ ގޮނޑުދޮށް ސަރަހައްދުން ވަނީ، އުކާލާފައިވާ ގިނަ އަދަދެއްގެ ޕްލާސްޓިކާއި ބިއްލޫރި ފަދަ ތަކެތި ނަގައި ސާފުކޮށްފައެވެ.