--
ފަރަންސޭސި ވިލާތުން އިނގިރޭސި ޗެނަލް ހުރަސްކޮށް އިނގިރޭސިވިލާތަށް ދާން އުޅެނިކޮށް ހަތަރު މީހަކު މަރުވެފައިވާ ކަމަށް ފްރާންސްގެ ކޯސްޓްގާޑުން ބުނެފިއެވެ.
ކޯސްޓްގާޑުގެ ތަރުޖަމާނު ހުކުރު ދުވަހު ވިދާޅުވީ އެ މީހުން ދަތުރުކުރަމުން ދިޔަ އިންފްލެޓޭބަލް ބޯޓު ބަންޑުން ޖަހާލީ ފްރާންސްގެ އުތުރުގައި އޮންނަ ބޮލޯން-ސޫރް-މެރްގެ އައްސޭރިފަށުން ފަތިހު 4:30 ހާއިރު ކަމަށެވެ.
ކަނޑުގެ ސިފައިންގެ އުޅަނދުފަހަރާއި މަސްދޯންޏަކާއި ނޭވީ ހެލިކޮޕްޓަރެއް ގުޅިގެން ހިންގި އޮޕަރޭޝަނެއްގައި 63 މީހަކު ވަނީ ސަލާމަތްކޮށްފައެވެ. އަދި އެމީހުން އެނބުރި ބޮލޯން-ސޫރް-މެރަށް ގޮސް، އިމަޖެންސީ ހިދުމަތްތަކަށް އެޓެންޑްކޮށް، ވަގުތީ ބޯހިޔާވަހިކަން ފޯރުކޮށްދިނެވެ.
ފްރާންސްގެ އުތުރުގެ ޕްރިފެކްޗާއިން ބުނީ ފްރާންސްގެ ކަނޑުގެ ސިފައިންގެ ޕެޓްރޯލް ބޯޓަކަށް ހުކުރު ދުވަހުގެ ފަތިހުގެ ވަގުތެއްގައި އެ ބޯޓު ފެނުނީ އެ ބޯޓު ފަރަށް އެރުމުން ކަމަށެވެ. އަދި ގިނަ ބަޔަކު ތިބީ ފެނުގައި ކަމަށް ވެސް އެ ބަޔާނުގައި ވެ އެވެ.
ކޮންމެ އަހަރަކު ވެސް އެތައް ހާސް ބަޔަކު އިނގިރޭސިވިލާތަށް އެތެރެވުމަށް އި ފްލިމް އިންފްލެޓޭބަލް ބޯޓުގައި އިނގިރޭސި ޗެނަލް ހުރަސްކުރެއެވެ. އެމީހުންނަކީ އިންގިރޭސިވިލާތަށް ގަވާއިދާ ހިލާފަށް ހިޖުކުރަން މަސައްކަތް ކުރާ މީހުންނެވެ..
ފަހުގެ
