ސިފައިން ލ.މާމެންދޫ ސްކޫލުގެ މުދައްރިސުންނަށް ފަސްޓް އެއިޑް ސެޝަނެއް ކުރިޔަށް ގެންގޮސްފި

އެމްއެންޑީއެފް ސެންޓްރަލް އޭރިއާ ކޮމާންޑުން ލ.މާމެންދޫ ސްކޫލުގެ މުދައްރިސުންނަށް އަމާޒުކޮށްގެން ފަސްޓް އެއިޑް ސެޝަނެއް ނަގައިދީފިއެވެ.

ޖުލައި 6 ވަނަ ދުވަހު ލ.މާމެންދޫ ސްކޫލުގައި ކުރިއަށް ގެންދިޔަ ފަސްޓް އެއިޑް ސެޝަންގައި ބޭސިކް ފަސްޓް އެއިޑް އާއި ސީޕީއާރުގެ ބައިތައް ވަނީ ކިޔަވައިދީފައެވެ.

އަދި ކިޔަވައިދެވުނު ބައިތައް ބައިވެރިން ވަނީ އަމަލީގޮތުން ފަރިތަކޮށްފައެވެ. މި ސެޝަންގައި އެ ސްކޫލު 43 މުދައްރިސުން ވަނީ ބައިވެރިވެފައެވެ.

މި ސެޝަން ކުރިއަށް ގެންގޮސްދީފައިވަނީ އެމްއެންޑީއެފް ސެންޓްރަލް އޭރިއާ ކޮމާންޑްގެ ސިފައިންނެވެ.