-
ދެވަނަ ޖުމްހޫރިއްޔާގެ ފުރަތަމަ 10 އަހަރު ޕަބްލިކް ސޭފްޓީ މިނިސްޓަރުގެ މަގާމް އަދާކުރެއްވި ސުމުއްވުލްއަމީރް ޢަބްދުލްހަންނާން ހަލީމް ދޮށިމޭނާކިލެގެފާނު އަވަހާރަވެއްޖެ އެވެ.
އަބްދުލްހަންނާން އަވަހާރަވީ ޓްރީޓޮޕް ހޮސްޕިޓަލުގައި ފަރުވާ ހޯއްދަވަމުން ގެންދަވަނިކޮށް މިއަދުގެ ވަގުތެއްގައެވެ.
އަބްދުލް ހަންނާނަކީ ރާއްޖޭގައި އޮތް ވެރިކަމުގެ ނިޒާމު ރިޔާސީ ނިޒާމަކަށް ދެވަނަ ފަހަރަށް ބަދަލުވުމަށްފަހު އެކުލަވައިލެވުނު ކެބިނެޓްގައި ހިމެނިވަޑައިގެންނެވި ވަޒީރެކެވެ. ރައީސް ނާސިރުގެ ވެރިކަމުގެ ދެ ދައުރުގައި އޭނާ ވަނީ ވަޒީރުކަމުގެ މަގާމް އަދާކުރައްވާފައެވެ.
އަބްދުއްހަންނާން ހަލީމް ދޮށިމޭނާކިލެގެފާނު ވަނީ އޭގެ ކުރިން ރައްޔިތުންގެ މަޖިލީހުގެ މެންބަރު ކަން ވެސް ކުރައްވައިފަ އެވެ.
އަބްދުލް ހަންނާން ހަލީމް އަވަހާރަވުމާއި ގުޅިގެން ރައީސް ޑރ. މުހައްމަދު މުއިއްޒު ވަނީ އޭނާގެ އާއިލާއަށް ތައުޒިޔާ ވިދާޅުވެފަ އެވެ.
ފަހުގެ
