އެއާޕޯޓުގައި މާރާމާރީ ހިންގައިގެން ހައްޔަރުކުރި މީހާ ދޫކޮށްލައިފި
މުޙައްމަދު މުއައްވަޒު
5/7/2024, 1:30:15 PM
ފޮޓޯ: އެމްވީ ކްރައިސިސް
ވެލާނާ އިންޓަނޭޝަނަލް އެއާރޕޯޓުގައި މާރާމާރީ ހިންގައިގެން މިއަދު ހައްޔަރުކުރި ބިދޭސީ މީހާ ކޯޓުން ދޫކޮށްލައިފި އެވެ.
ފުލުހުން ވިދާޅުވީ، މާރާމާރީ ހިންގުމުގެ ތުހުމަތުގައި ވެލާނާ އިންޓަނޭޝަނަލް އެއާރޕޯޓުން މިއަދު ހައްޔަރުކުރި މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރުތުކޮށް ދޫކޮށްލާފައިވާ ކަމަށެވެ.
މައުލޫމާތު ލިބިފައިވާ ގޮތުގައި އެއީ އެެމެރިކާއަށް ނިސްބަތްވާ ރައްޔިތެކެވެ. އޭނާ އެއަރޕޯޓް މުވައްޒަފަކަށް ހަމަލާދީފައިވަނީ ލަގެޖް ބަރުވެ ފައިސާ ދެއްކުމަސް އެދުމުން ކަމަށް ވަނީ މައުލޫމާތު ލިބިފައެވެ.
މި މީހާ އެވަގުތު ހައްޔަރުކޮށް ފުލުހުންގެ ބެލުމުގެ ދަށަށް ގެންދެވުނު ނަމަވެސް ކޯޓުން ވަނީ ދޫކޮށްލާފައެވެ.