ނައިބު ރައީސް ނުރަސްމީ ދަތުރުފުޅެއްގައި ގދ އަތޮޅަށް!

ނައިބު ރައީސް ހުސެއިން މުހައްމަދު ލަތީފު ނުރަސްމީ ދަތުރުފުޅެއްގައި ގދ އަތޮޅަށް ވަޑައިގެންފި އެވެ.

ނައިބު ރައީސް ގދ އަތޮޅަށް ވަޑައިގެންނެވީ މިއަދު ހެނދުނުގެ ވަގުތެއްގައި އެވެ. އެގޮތުން ކާޑެއްދޫ އެއާޕޯޓުން ނައިބު ރައީސްއަށް މަރުހަބާ ދެންނެވީ ގދ އަތޮޅުގެ ބައެއް ކައުންސިލް ތަކުގެ ރައީސުންނާއި ޕްރޮގްރެސިވް ކޯލިޝަންގެ ބައެއް އިސްވެރިންނެވެ.

ނައިބު ރައީސްގެ މިދަތުރުފުޅުގައި އެޑިއުކޭޝަން މިނިސްޓަރ ޝަފީއު އާއި ބީސީސީގެ އެމްޑީ ޒިޔާއު ވެސް ބައިވެރިވެވަޑައިގަންނަވައެވެ.

މައުލޫމާތު ލިބޭގޮތުގައި ނައިބު ރައީސް ގދ އަތޮޅަށް ވަޑައިގެންނެވި ކުރިޔަށް އޮތް މަޖިލިސް އިންތިހާބުގައި ޕްރޮގްރެސިވް ކޯޅިޝަންގެ ޓިކެޓުގައި ވާދަކުރައްވާ ބައެއް ކެނޑިޑޭޓުންގެ ކެމްޕެއިން ހަަރަކާތްތަކުގައި ބައިވެރިވެވަޑައިގަތުމަށެވެ.

ނައިބު ރައީސް ހުސެއިން އަކީ ގދ އަތޮޅު ފަރެސްމާތޮޑާއަށް އުފަން ބޭފުޅެކެވެ. އެގޮތުން ނައިބު ރައީސްކަމަށް އިންތިހާބުވުމުގެ ކުރިން އެމަނިކުފާނު ހުންނެވީ ވެސް ފަރެސްމާތޮޑާ ދާއިރާގެ މަޖިލިސް މެމްބަރުގެ ގޮތުގައި އެވެ.