އީދު ބަންދު ނިމެންދެން މަޖިލިސް ޖަލްސާތައް މެދުކަނޑާލައިފި
އަލްފާ އަލީ
4/2/2024, 8:11:32 AM
-
އީދު ބަންދަށް މަޖިލިސް ޖަލްސާތައް މެދުކަނޑާލަން ނިންމައިފި އެވެ.
ރައްޔިތުންގެ މަޖިލީހުގެ ރައީސް މުޙައްމަދު އަސްލަމް ވިދާޅުވީ މަޖިލީހުގެ ޖަލްސާތައް މެދުކަނޑާލުމަށް ނިންމެވީ ރަމަޟާން މަހުގެ ފަހު ދިހައެއްގައި ސަރުކާރު ބަންދުވުމާއި ގުޅިގެންކަމަށެވެ.
މިހާތަނަށް މަޖިލީހުން އަމަލުކޮށްފައިވާ ގޮތުން ޖަލްސާތައް ބާއްވަމުންދަނީ ސަރުކާރު ރަސްމީ ބަންދު ނޫން ދުވަސްތަކުގައިކަމަށްވެސް އަސްލަމް ވިދާޅުވި އެވެ.
އީދު ބަންދަށް ފަހު މަޖިލިސް ޖަލްސާތައް ފަށާނެ ކަމަށް އަސްލަމް ވިދާޅުވި ނަމަވެސް ޖަލްސާތައް ފަށާނެ ތާރީހެއް އިއުލާންކޮށްފައެއް ނުވެއެވެ.
މިހާރު ހިނގަމުންދާ 19 ވަނަ މަޖިލީހުގެ ދައުރު އަންނަ މަހުގެ 27 ވަނަ ދުވަހަށް ހަމަވާނެ އެވެ.