މަޝްހޫރު ޑޮލީ ޗައިވާލާ
މަޝްހޫރު ޑޮލީ ޗައިވާލާ ރާއްޖެ އަތުވެއްޖެ އެވެ.
އިންޑިއާގައި ތަފާތު ސްޓައިލެއްގައި ސައި ހަދާ އަދި އޭނާ ގެންގުޅޭ ފެޝަން ސްޓައިލްގެ ސަބަބުން މަޝްހޫރުވެގެން ދިޔަ އިންޑިއާއަށް ނިސްބަތްވާ ޑޮލީ ޗައިވާލާ ރާއްޖެ އައިސްފައިވަނީ މިއަދުގެ ވަގުތެއްގައި އެވެ.
މައުލޫމާތު ލިބިފައިވާގޮތުގައި އޭނާ ރާއްޖެ އައިސްފައިވަނީ އެލްޖީއޭގެ ކުރީގެ ނައިބު ރައީސްކަން ކުރެއްވި އަދި ވިޔާފާރިވެރިޔާ ސުޖާއު ހުސެއިންގެ ދައުވަތަކަށެވެ.
ޑޮލީ ޗައިވާލާ ރާއްޖޭގައި ޗުއްޓީ ހޭދަކުރަމުން ދަނީ އަދާރަން ހުދުރަންފުށީގައި އެވެ.
އޭނާ ވަނީ ހުދުރަންފުށީގެ ބައެއް މަންޒަރުތައް ވެސް އޭނަގެ ރަސްމީ އިންސްޓަގްރާމްގައި ހިއްސާކޮށްފައި އެވެ.
ޑޮލީ ޗައިވާލާއަކީ 2022 ވަނަ އަހަރުވެސް ފެށިގެން މީސްމީޑީއާގައި ވަރަށް މަޝްހޫރުވި މީހެކެވެ. އަދި ދާދި ފަހުން ދުނިޔޭގެ އެންމެ މުއްސަދި އެއް ޝަހްސިއްޔަތު ކަމަށްވާ ބިލް ގޭޓްސްއާއި އެކު ވެސް ޑޮލީ ވަނީ ވީޑިއޯއަކުން ފެނިގެން ގޮސްފައި އެވެ.