އެމެރިކާއިން މިއަދުވެސް ޣައްޒާއަށް ވައިގެ މަގުން އިތުރު އެހީތަކެއް ފޯރުކޮށްދީފި
އަހުމަދު ޝުރާއު
3/17/2024, 6:09:05 PM
އެމެރިކާއިން ވައިގެ މަގުން ޣައްޒާއަށް އެހީ ފޯރުކޮށްދިނުން
އެމެރިކާއިން ޣައްޒާއާށް ވައިގެ މަގުން އިތުރު އެހީތަކެއް ފޯރުކޮށްދީފި އެވެ.
އެމެރިކާގެ އަސްކަރިއްޔާއިން ބުނީ ޣައްޒާގެ އުތުރުގެ ސަރަހައްދަށް އިންސާނީ އެހީ ވައިގެ މަގުން ފޯރުކޮށްދީފައިވާ ކަމަށެވެ.
އެގޮތުން އިޒްރޭލުގެ އަސްކަރިއްޔާއިން އެއްގަމު އުޅަނދު ހުރަސްކުރުމަށް ހުރަސްއަޅާތީ، ސީ-17 ގްލޯބްމާސްޓާ ތިނެއްގެ ބޮޑު އަސްކަރީ ޓްރާންސްޕޯޓް މަތިންދާ ބޯޓެއްގައި އެހީތައް ވައިގެ މަގުން ފޯރުކޮށްދީފައިވާ ކަމަށް އެމެރިކާ އަސްކަރިއްޔާއިން ބުނެއެވެ.
މިއަދު އެހީގެ ގޮތުގައި 28،000 ކެއުމާއި 34،500 ކުދި، 0.5 ލީޓަރުގެ ފެންފުޅި އެ ސަރަހައްދަށް ވައިކުޑައިގެ އެހީގައި ވައްޓާލާފައިއެވެ.
މިއީ ވައިގެ މަގުން އެމެރިކާއިން ޣައްޒާއަށް އެހީތައް ފޯރުކޮށްދިން 13 ވަނަ ފަހަރެވެ. އެގޮތުން ވައިގެ މަގުން އެމެރިކާއިން ޣައްޒާއަށް ފުރުަތަމަ އެހީތައް ފޮނުވީ މިމަހުގެ ކުރީކޮޅު އެވެ.
ޔަހޫދީ އިސްރާއީލުން ޣައްޒާއަށް ދެމުންގެންދާ ހަމަލާތަކުގައި މިހާތަނަށް 31500 އަށްވުރެ ގިނަ މީހުން ވަނީ ޝަހީދުކޮށްލާފައެވެ. އޭގެ ތެރޭގައި ގިނައީ ކުޑަކުދިންނާއި އަންހެނުންނެވެ.