އެކްސިޑެންޓްވުމުން ސީން ދޫކޮށް ދިޔަ ބަޔަކު ހޯދަނީ
އަލްފާ އަލީ
3/12/2024, 8:45:00 AM
--
އެކްސިޑެންޓްވުމުން ސީން ދޫކޮށް ދިޔަ ބަޔަކު ހޯދުމުގެ މަސައްކަތް ފުލުހުން ފަށައިފި އެވެ.
ވީޑިއޯއެއް އާއްމުކޮށް ފުލުހުން ވިދާޅުވީ، ވީޑިއޯ އިން ފެންނަ މީހުންނަކީ ހުޅުމާލެ ފޭސް 1 ޕޮލިސް ސްޓޭޝަނުން ތަހުގީގުކުރަމުންދާ، އެކްސިޑެންޓް މައްސަލައަކާ ގުޅިގެން އެކްސިޑެންޓް ވުމުން ރިޕޯޓްނުކޮށް ސީން ދޫކޮށް ގޮސްފައިވާ މައްސަލައަކާ ގުޅިގެން ހޯދަންބޭނުންވެ، އެމީހުންނަކީ ކޮންބައެއްކަން ދެނެގަނެވިފައިނުވާތީ ހޯދިފައިނުވާ މީހުން ކަމަށެވެ.
ވީޑިއޯއިން ފެންނަ މީހުންނާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެމަޢުލޫމާތެއް ހުޅުމާލެ ފޭސް 1 ޕޮލިސް ސްޓޭޝަންގެ ނަންބަރު 9980062 އަށް ގުޅުއްވައި ހިއްސާކުރެއްވުމަށް ފުލުހުން ވަނީ އެދިލައްވާފައެވެ.
ފުލުހުން ބަލަމުންދާ މައްސަލަތަކާއި ގުޅިގެން މިފަދަ މީހުން ހޯދުމަށް ފުލުހުން އަބަދުވެސް އާއްމުންގެ އެހީ ހޯދައެވެ. މިފަދަ ކަންކަމުގައި އާއްމުންގެ ފަރާތުން ލިބެމުން އަންނަ އެއްބާރުލެއްވުމަށް ފުލުހުން ވަނީ ޝުކުރު އަދާކުރައްވާފައެވެ.