ނަފްސާނީ ދުޅަހެޔޮކަމަށް ހޭލުންތެރިކުރުވުމުގެ ޕްރޮގްރާމެއް ފުލުހުންނަށް އަމާޒުކޮށްގެން ކުރިޔަށް ގެންގޮސްފި

ނަފްސާނީ ދުޅަހެޔޮކަމަށް ހޭލުންތެރިކުރުވުމުގެ ޕްރޮގްރާމެއް ފުލުހުންނަށް އަމާޒުކޮށްގެން ކުރިޔަށް ގެންގޮސްފި އެވެ.

ފުލުހުންގެ މަރުކަޒު، އިސްކަންދަރު ކޮށީގައި ކުރިޔަށް ގެންދިޔަ މި ޕްރޮގްރާމުގައި ގިނަ އަދަދެއްގެ ފުލުހުން ވަނީ ބައިވެރިވެފައެވެ. އެގޮތުން ޗީފް އޮފް ޕޮލިސް މުހައްމަދު ހަމީދު ހިމެނޭހެން ފުލުހުންގެ އިސްވެރިންވެސް ވަނީ މި ޕްރޮގްރާމުގައި ބައިވެރިވެފައެވެ.

މި ޕްރޮގްރާމުގައި ސެޝަން ނަންގަވައިދެއްވީ މަޝްހޫރު ސައިކޭޓްރިސްޓް ޑރ ނާޒް އެވެ.

ފުލުހުން މައުލޫމާތު ދޭގޮތުގައި ހަރުދަނާ ގޮތެއްގައި ޕޮލިސިންގ ގެ މަސައްކަތް ކުރުމަށް، އޮފިސަރުންނަށް ޖިސްމާނީ ދުޅަހެޔޮކަން ފަދަ، ނަފްސާނީ ދުޅަހެޔޮކަމަކީ، ކޮންމެހެން ބޭނުންތެރި ކަމެއް ކަމެއް ގޮތުގައި އެ ސާވިސް އިން ގަބުލޫކުރާ ކަމަށާއި އޮފިސަރުންގެ ނަފްސާނީ ދުޅަހެޔޮކަމަށް އިސްކަންދޭ އޯގަނައިޒޭޝަނަލް ކަލްޗަރއެއް ބިނާކުރުމަކީ އެސާވިސްގެ ސްޓްރެޓީޖިކް ތަސައްވުރެކެވެ.