އަހަރުގެ މިހާތަނަށް ޖޫރިމަނާތަކުން ސަރުކާރަށް 155 މިލިއަން ރުފިޔާގެ އާމްދަނީއެއް!

ޖޫރިމަނާގެ ގޮތުގައި 150 މިލިއަން ރުފިޔާއަށް ވުރެ ގިނައިން މިއަހަރުގެ މިހާތަނަށް ދައުލަތަށް އާމްދަނީގެ ގޮތުގައި ލިބިއްޖެ އެވެ.

ރާއްޖޭގެ ފިނޭންސް މިނިސްޓްރީއިން އާންމުކޮށްފައިވާ ތަފާސްހިސާބުތަކުން ދައްކާގޮތުގައި މިއަހަރު ފެށުނީއްސުރެ މިދިޔަ ޖުލައި މަހުގެ 28 ވަނަ ދުވަހުގެ ނިޔަލަށް ޖޫރިމަނާގެ ގޮތުގައި ދައުލަތަށް 155.2 މިލިއަން ރުފިޔާ ލިބިފައިވެއެވެ.

މިއީ މިއަހަރު ޖުމުލަ ޖޫރިމަނާތަކުން ސަރުކާރަށް ލިބޭނެ ކަމަށް އަންދާޒާކުރި އަދަދަށްވުރެ ދެގުނަ އަދަދެކެވެ. މިއަހަރު ލިބޭނެ ކަމަށް ސަރުކާރުން އަންދާޒާކޮށްފައިވަނީ 62.4 މިލިއަން ރުފިޔާއެވެ.

މިދިޔަ އަހަރުގެ މި މުއްދަތުގައި ސަރުކާރަށް ޖޫރިމަނާއިން އާމްދަނީގެ ގޮތުގައި ލިބިފައިވަނީ 132.1 މިލިއަން ރުފިޔާއެވެ.