ރާއްޖެއައި އިނގިރޭސިވިލާތުގެ ރައްޔިތެއްގެ އަތުން 12 ގްރާމް މަސްތުވާތަކެތި އަތުލައިގެންފި
އައިޝަތު އިފާޝާ
3/17/2022, 10:32:42 AM
fn-etgcvuami8dp
ވައިގެ މަގުން ސްރީލަންކާ އިން ރާއްޖެ އައި އިނގިރޭސި ވިލާތުގެ ރައްޔިތެއްގެ އަތުން 12.7 ގުރާމްގެ މަސްތުވާތަކެތި އަތުލައިގެންފި އެވެ.
ކަސްޓަމްސް އިން ބުނީ، 2022 މާރިޗު 6 ވަނަ ދުވަހު ރާއްޖެ އައި އިނގިރޭސި ވިލާތުގެ ރައްޔިތަކާއި މެދު ޝައްކުކުރެވިގެން އެ ފަސިންޖަރުގެ ލަގެޖް ކަސްޓަމްސް އިން އިތުރަށް ބަލައި ފާސްކުރިއިރު، އެ ފަސިންޖަރުގެ ލަގެޖުގެ ތެރެއިން މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވާ ކަމަށެވެ.
ފުރަތަމަ މަރުޙަލާގައި އެތަކެތި ކަސްޓަމްސް އިން ޓެސްޓްކުރި އިރު މަސްތުވާތަކެތީގެ ބާވަތެއް ކަމުގައިވާ ކެނެބިސް (Cannabis) އަށް ޕޮޒިޓިވް ވެފައިވާކަމަށް ކަސްޓަމްސް އިން ބުނެއެވެ.
އެގޮތުން އަތުލައިގަނެވުނު މަސްތުވާތަކެތީގެ ތެރޭގައި ހިމެނެނީ ކެނެބިސް އޮށާއި (Cannabis seeds - 9.30 grams) ކެނެބިސް ހާބަލް (Cannabis Herbal-3.40 grams) އެވެ. އަދި އެތަކެތީގެ ޖުމްލަ ބަރުދަނުގައި 12.7 ގުރާމް ހުރިކަމަށް ކަސްޓަމްސް އިން ބުނެއެވެ.