fifa22-ISL-620x330
ދުނިޔޭގެ އެންމެ މަޝްހޫރު އެއް ފުޓުބޯޅަ ގޭމު ފްރެންޗައިޒް، ފީފާގައި އިންޑިއަން ސުޕަ ލީގު ހިމަނަން ނިންމައިފިއެވެ. އިންޑިއަން ސުޕަ ލީގުގެ ޓީމުތައް ފެނިގެންދާނީ ފީފާ 22 އިންނެވެ.
މިހާރު އިންޑިއަން ސުޕަ ލީގުގެ އަށްވަނަ ސީޒަން ކުޅެމުން ދާއިރު އެ ލީގުގައި ވާދަ ކުރާ 11 ޓީމު، އެ ޓީމުތަކުގެ ކިޓުތަކާ އެކު މި ގޭމުން ފެނިގެންދާނެއެވެ. ފީފާ 22 އަށް އިންޑިއާގެ ޓީމުތައް އައިސްފައި މި ވަނީ 2019 ވަނަ އަހަރު ފީފާ މޮބައިލްގައި އިންޑިއަން ސުޕަ ލީގު ހިމަނައި، އެއަށް ލިބުނު ތަރުހީބު ބޮޑުވުމުގެ ސަބަބުންނެވެ.
ފީފާ 22 ގައި އިންޑިއަން ސުޕަ ލީގު ހިމެނުމާއެކު އިންޑިއާގެ ފުޓުބޯޅަ މުޅިން އެހެން ހަރުފަތަކަށް ދާނެކަމަށް ބެލެވެއެވެ. އަދި މިއީ އިންޑިއަން ސުޕަ ލިގު މުޅި ދުނިޔެއަށް ޕްރޮމޯޓުވެގެންދާނެ ކަމެއްވެސްމެއެވެ.
17،000 އަށް ވުރެ ގިނަ ކުޅުންތެރިންނާއި، 700 އަށްވުރެ ގިނަ ޓީމާއި، 90 އަށްވުރެ ގިނަ ސްޓޭޑިއަމާއި, 30 އަށްވުރެ ގިނަ ލީގާ އެކު ގެނެސްދޭ ފީފާ 22 އަކީ އަސްލާ އެއްގޮތަށް އުފައްދާފައިވާ ފުޓުބޯޅަ ގޭމެކެވެ. އަދި މިއީ ރާއްޖޭގެ އެންމެ މަގުބޫލު އެއް ވީޑިއޯ ގޭމުކަން ފާހަގަ ކޮށްލެވެއެވެ.
ފަހުގެ
