VO0ukRw7D8LyZs8d1IUG6NU9mWj6Ykfw0Q4kHlEv
ރައީސް އޮފީހުގެ މިނިސްޓަރު ކަމަށް ކުރީގެ ފިޝަރީޒް މިނިސްޓަރު ޒަހާ ވަހީދު މިއަދު އައްޔަންކުރައްވައިފި އެވެ.
ޒަހާ އަށް މަގާމުގެ ފަތްކޮޅު އަރުއްވާފައި ވަނީ މިއަދު މެންދުރު ފަހު ރައީސް އޮފީހުގައި ބޭއްވި ރަސްމިއްޔާތެއްގަ އެވެ.
ފިޝަރީޒް މިނިސްޓަރު ކަމުން ޒަހާ އަމިއްލަ އަށް އިސްތިއުފާދެއްވީ މެއި 5 ގަ އެވެ. ޒަހާ އަށް ރައީސް އޮފީހުގެ މިނިސްޓަރުކަން ދެއްވަން އުޅޭ ކަމަށް އޭނާ އިސްތިއުފާދެއްވި ދުވަސްވަރު ވެސް އޮތީ އަޑު އަރައިފަ އެވެ.
ފިޝަރީޒް މިނިސްޓަރުގެ މަގާމުގައި ޒަހާ ހުންނެވިއިރު، މަހުގެ އަގާއި މަސް ނުކިރޭ މައްސަލަ އަދި މިޔަރުގެ މަސްވެރިކަމާ ބެހޭ ގިނަ މައްސަލަތަކާ ގުޅިގެން ސަރުކާރަށް ވަރަށް ބޮޑަށް ފާޑުކިޔުން އަމާޒުވި އެވެ. އެ މައްސަލަތަކާ ގުޅިގެން އެކި ފަހަރުގެ މަތިން ޒަހާގެ އިތުބާރު ނެތް ކަމުގެ މައްސަލައެއް ރައްޔިތުންގެ މަޖިލީހުން ފާސް ކުރަން އުޅޭ ކަމުގެ އަޑުތައް ވެސް ފެތުރުނެވެ.
ޒަހާ އިސްތިއުފާދެއްވުމުން، ރައީސް އިބްރާހިމް މުހައްމަދު ސޯލިހު ވަނީ ފިޝަރީޒް މިނިސްޓަރުގެ މަގާމަށް ކުރިން ތިމާވެއްޓާ ބެހޭ މިނިސްޓަރު ކަމުގައި ހުންނެވި ޑރ. ހުސެއިން ރަޝީދު ހަސަން އައްޔަން ކުރައްވައިފަ އެވެ.
ފަހުގެ
