ކުރިޔަށްގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި މާލޭގެ އެކި ސަރަހައްދުތައް ބަންދުކުރެވޭނެ - ފުލުހުން

ފުލުހުން ކުރިޔަށްގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި މާލޭގެ އެކި ސަރަހައްދުތައް ބަންދުކުރެވޭނެކަމަށް އެއިދާރާއިން ބުނެފި އެވެ.

ފުލުހުން މިއަދު އެކްސްގައި ކުރި ޕޯސްޓެއްގައި ބުނީ ފުލުހުން ކުރިއަށްގެންދާ އޮޕަރޭޝަނަކާ ގުޅިގެން މިއަދާއި މިރޭގެ އެކި ވަގުތުތަކުގައި އާންމު ޓްރެފިކަށާއި ހިނގާ މީހުންނަށް މާލޭގެ އެކި ސަރަހައްދުތައް ބަންދުކުރެވޭނެކަމަށެވެ.

އެގޮތުން މިކަމުގައި ރައްޔިތުންގެ ފުރިހަމަ އެއްބާރުލުމާއި އެހީތެރިކަމަށް އެދޭކަމަށާއި އަދި މިކަމުގެ ސަބަބުން ރައްޔިތުންނަށްް ދިމާވެދާނެ ދަތިތަކަށް ފުލުހުން ވަނީ މާފަށް އެދިފައި އެވެ.

ފުލުހުން މިފަދައިން ހާމަކޮށްފައިވަނީ މިރޭ އިދިކޮޅު ސިޔާސީ ޕާޓީތަކުން މާލޭގައި ބޮޑު މުޒާހަރާއެއް ކުރުމަށް ނިންމާފައިވަނިކޮށެވެ. އެގޮތުން މިއަދު ހަވީރުން ފެށިގެން މާލޭގެ އެކި ސަރަހައްދުތަކުގައި ގިނަ އަދަދެއްގެ ފުލުހުން ދަނީ ފޯރިމަރަމުންނެވެ.