
ކުޅުދުއްފުށީ ޓާޝަރީ ހޮސްޕިޓަލު މަޝްރޫއުއަށް ބަޖެޓު ތާށިކަމެއް ނެތް، މިހާރު ކުރިޔަށްދަނީ ޑިޒައިންގެ މަސައްކަތް!
# ރައީސް މުއިއްޒު-
ކުޅުދުއްފުށީ ޓާޝަރީ ހޮސްޕިޓަލު މަޝްރޫއުއަށް ބަޖެޓުގެ ތާށިކަމެއް ކުރިމަތިނުވާނެ ކަމުގެ ޔަގީންކަން ރައީސް ޑރ މުހައްމަދު މުއިއްޒު ދެއްވައިފި އެވެ.

ރައީސް މިކަން ހާމަކުރެއްވީ މިހާރު އެމަނިކުފާނު ހދ އަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ކުޅުދުއްފުއްޓަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައި އެވެ.
އެގޮތުން ރައީސް ވިދާޅުވީ ކުޅުދުއްފުއްޓަކީ ސަރުކާރުގެ ތަރައްޤީގެ ޕްލޭނުގެ ތެރެއިން ނޮދާން އިންޓަގްރޭޓެޑްގެ މަރުކަޒުގެ ގޮތުގައި ތަރައްޤީކުރަން ހަމަޖެހިފައިވާ ރަށެއް ކަމުން އެރަށުގައި ސިއްހީ ދާއިރާ ތަރައްޤީކުރެވިގެންދާނީ ޓާޗަރީ ފެންވަރަށް ކަމަށެވެ. އެގޮތުން އެރަށުގައި ޓާޝަރީ ފެންވަރުގެ 10 ބުރީގެ ހޮސްޕިޓަލެއް ތަރައްޤީކުރުމަށްޓަކައި ޑިޒައިން އާއި ކޮންސެޕްޓްގެ މަސައްކަތް ދާދި ފަހުން ބަޔަކާއި ހަވާލުކޮށްފައިވާ ކަމަށް ރައީސް ވިދާޅުވިއެވެ.
އެގޮތުން ޑިޒައިންނިންގެ މަސައްކަތް ބާރު ސްޕީޑެއްގައި މިހާރު ކުރިޔަށްދާއިރު މަސައްކަތް ނިމުމާއިއެކު މި މަޝްރޫއު ކޮންޓްރެކްޓަރަކާއި ހަވާލުކުރެވިގެންދާނެ ކަމަށް ރައީސް ވިދާޅުވިއެވެ. ރައީސް ވަނީ މި މަޝްރޫއުއަށް ބަޖެޓުގެ ތާށިކަމެއްވެސް ނެތްކަން މިރޭގެ ވާހަކަފުޅުގައި ފާހަގަކުރައްވާފައި އެވެ.
ޓާޝަރީ ހޮސްޕިޓަލުގެ މަސައްކަތް ކުރިޔަށް ދިޔަ ނަމަވެސް މިހާރު އެރަށުގައި ހުރި ރީޖަނަލް ހޮސްޕިޓަލަށް އިތުރު ވަސީލަތްތައް ފޯރުކޯށްދިނުމަށްޓަކައި ބަލަންޖެހޭ ކަންކަން މިނިސްޓްރީއާއި ހޮސްޕިޓަލާއި ގުޅިގެން ކުރިޔަށްދާކަންވެސް ރައީސް ވަނީ މިރޭ ހާމަކުރައްވާފައި އެވެ.
ގުޅުންހުރި

ރައީސް ޗައިނާއަށް ވަޑައިގެންފި، ހޫނު މަރުހަބާއެއް!

ރާއްޖޭގެ ފަތުރުވެރިކަން މިއަދާ ހަމައަށް ތަރައްޤީވެ ކުރިއަރައި ދިޔުމުގައި މަނިކު ކުރައްވާފައިވަނީ، ތަޢުރީފް ޙައްޤު މަސައްކަތްޕުޅުތަކެއް!
