logoEN
Sto top
ކޮމަންވެލްތު މުބާރާތަށް ކުޅުދުއްފުށީގައި ތަރައްޤީކުރަނީ ބީޗް ހޭންޑްބޯލް ސްޓޭޑިއަމެއް، 500 މީހުންނަށް މެޗުބަލަން ތިބެވޭނެ - ރައީސް

ކޮމަންވެލްތު މުބާރާތަށް ކުޅުދުއްފުށީގައި ތަރައްޤީކުރަނީ ބީޗް ހޭންޑްބޯލް ސްޓޭޑިއަމެއް، 500 މީހުންނަށް މެޗުބަލަން ތިބެވޭނެ - ރައީސް

އަހުމަދު ޝުރާއު

logo

8/26/2025, 6:05:12 PM

# ރައީސް މުއިއްޒު

-

އަންނަ މަހު ކުޅުދުއްފުށީ ސިޓީގައި ބާއްވަން ހަމަޖެހިފައިވާ ކޮމަލްވެލްތު ބީޗްހޭންޑްބޯލް ޗެމްޕިއަންޝިޕު ރާއްޖޭގައި ބޭއްވުމަށް ސަރުކާރުން ބޮޑެތި ހޭދަތަކެއް ކުރަމުންގެންދާކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.

Wamco

ރައީސް މިފަދައިން ވިދާޅުވީ މިހާރު ހދ އަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ކުޅުދުއްފުށީ ސިޓީ އަށް ވަޑައިގެން އެރަށުގެ ރައްޔިތުންނާއި ބައްދަލުކުރެއްވުމަށް ބޭއްވި ޖަލްސާގައި ދެއްކެވި ވާހަކަފުޅުގައި އެވެ.

ކުޅުދުއްފުށީގައި މިފަދަ ބައިނަލަގްވާމީ މުބާރާތެއް ބޭއްވުމަކީ މުޅި ރާއްޖެވެސް ފަހުރުވެރިވާކަމެއްކަން ފާހަގަކުރައްވައި ރައީސް ވިދާޅުވީ މި މުބާރާތް ރާއްޖޭގައި ބޭއްވުމަށް ހަމަޖެހިގެން ގޮސްފައިވަނީ ސަރުކާރުންނާއި މިނިސްޓްރީން ކުރި ބޮޑު މަސައްކަތްތަކެއްގެ ތެރެއިން ކަމަށެވެ. އެގޮތުން މި މުބާރާތް ރާއްޖޭގައި ބޭއްވުމަށް ހަމަޖެހިގެން ދިޔުމާއިއެކު މުބާރާތް އެންމެ ފުރިހަމައަށް ކުރިޔަށް ގެންދިޔުމަށްޓަކައި ހޭންޑްބޯލް އެސޯސިއޭޝަނުން މިހާރުވެސް ގިނަ މަސައްކަތްތަކެއް ކުރައްވަމުން ގެންދަވާކަން ރައީސް ފާހަގަކުރެއްވި އެވެ.

ރައީސް ވިދާޅުވީ މި މުބާރާތް ރާއްޖޭގައި ބޭއްވިގެންދަނީ ސަރުކާރުން ބޮޑެތި ހަރަދުތަކެއް ކުރެވިގެން ކަމަށާއި މި މުބާރާތަށް އެރަށުގައި ތަރައްްޤީކުރެވިގެންދަނީ މިކުޅިވަރަށް ޚާއްސަ ސްޓޭޑިއަމެއް ކަމަށެވެ. އެގޮތުން ސްޓޭޑިއަމް ތަރައްޤީކުރެވިގެންދަނީ 500 މީހުންނަށް މެދު ބަލާލަން ތިބެވޭނެ އިންތިޒާމާއިއެކުގައި ކަމަށާއި އޭގެ ތެރޭގައި ވީއައިޕީއިންނަށް ޚާއްސަ 100 ޖާގަވެސް ހިމެނޭނެ ކަން ރައީސް ފާހަގަކުރެއްވި އެވެ.

އަދި މި މުބާރާތް ރާއްޖޭގައި ބޭއްވިގެންދިޔުމަކީ ރާއްޖޭގައި ބީޗް ހޭންޑްބޯޅަ ކުރިއެރުމަށް ކުރެވިގެންދާ ބޮޑު މަސައްކަތެއްގެ ގޮތުގައި ރައީސް ސިފަކުރެއްވި އެވެ.

1 ވަނަ ކޮމަލްވެލްތު ބީޗްހޭންޑްބޯލް ޗެމްޕިއަންޝިޕު ފެށުމަށް ހަމަޖެހިފައިވަނީ އަންނަ މަހުގެ 18 ވަނަ ދުވަހު އެވެ.

E living
ކޮމެންޓް
E living
ފަހުގެ
HDC