
ކުރިޔަށް އޮތް ފަސް މަސްދުވަހުގެ ތެރޭގައި ނޮޅިވަރަންފަރުގައި ވެމްކޯގެ ހިދުމަތް ފެށޭނެ - ރައީސް
# ރައީސް މުއިއްޒު-
ހދ ނޮޅިވަރަންފަރުގެ ކުނި މެނޭޖްކުރުމުގެ ހިދުމަތް ވެމްކޯއާއި ހަވާލުކުރުމަށް ނިންމަވާފައިވާކަން ރައީސް ޑރ މުހައްމަދު މުއިއްޒު ހާމަކުރައްވައިފި އެވެ.

ރައީސް މިކަން އިއުލާނުކުރެއްވީ މިހާރު ހދ ގެ ރަށްތަކަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިރޭ ނޮޅިވަރަންފަރަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައި އެވެ.
އެގޮތުން ނޮޅިވަރަންފަރަކި 2000 މީހުންގެ އާބާދީއެއް އޮތް ބޮޑު ރަށެއްކަން ފާހަގަކުރައްވައި ރައީސް ވިދާޅުވީ އެރަށް ފަދަ އާބާދީ ބޮޑެތި ރަށްތަކުގެ ކުނި މެނޭޖްކުރުމަށް ވޭސްޓް މެނޭޖްމެންޓު ކޯޕަރޭޝަން، ވެމްކޯހެ ހިދުމަތްތައް ފެށުމަށް ސަރުކާރުން ނިންމާފައިވާ ކަމަށެވެ.
އެގޮތުން ނޮޅިވަރަންފަރުގެ ކުނި މެނޭޖްކުރުމުގެ މަސައްކަތްވެސް ދާދި އަވަހަށް ވެމްކޯއާއި ހަވާލުކުރެވިގެންދާނެކަން ރައީސް އިއުލާނުކުރެއްވި އެވެ. އަދި މި ހިދުމަތް ހަވާލުކުރެވޭތާ ގިނަ ވެގެން ފަސް މަސްދުވަހުގެ ތެރޭގައި އެރަށުގައި ވެމްކޯގެ އޮޕަރޭޝަންތައް ފެށިގެންދާނެކަމަށްވެސް ރައީސް ވިދާޅުވިއެވެ.
ރައީސް ވިދާޅުވީ ވެމްކޯގެ އޮޕަރޭޝަންތައް އެރަށުގައި ފެށިގެން ދިޔުމާއިއެކު އެރަށުގައި ވަޒީފާގެ ގިނަ ފުރުސަތުތަކެއް އުފެދިގެންދާނެ ކަމަށެވެ. އަދި އެކަމުގެ ފައިދާ ރަށުގެ ރައްޔިތުންނަށް ވަރަށް ބޮޑަށް ކުރާނެ ކަމަށްވެސް ރައީސް ވިދާޅުވިއެވެ.
މީގެ އިތުރުން މި ހިދުމަތާއިއެކު އެރަށަށްވެސް ދިމާވެފައިވާ ކުނީގެ މައްސަލައަށްވެސް ދާއިމީ ހައްލެއް ލިބިގެންދާނެ ކަމަށް ރައީސް ވިދާޅުވިއެވެ.
ރައީސް ޑރ މުއިއްޒުގެ ވެރިކަމުގައި ރާއްޖޭގެ ގިނަ ސަރަހައްދުތަކެއްގައި މިހާރުވެސް ވެމްކޯގެ އޮޕަރޭޝަންތައް ވަނީ ފަށާފައި އެވެ. އަދި ވެމްކޯގެ ހިދުމަތްތައްވެސް ފުޅާކުރުމަށް ގިނަ މަސައްކަތްތަކެއް ކުރެވި އެކުންފުންޏަކީ މާލީ ގޮތުން އަމިއްލަ ފުދުންތެރިކަން ލިބިފައި އޮތް ކުންފުންޏަކަށް ހެދުމަށް ގިނަ މަސައްކަތްތަކެއް ފާއިތުވި އަހަރުގެ ތެރޭގައި ވަނީ ކޮށްފައި އެވެ.
ގުޅުންހުރި
ރައީސް ޝީ ގެ ދައުވަތަކަށް ރައީސް މުއިއްޒު ޗައިނާއަށް!

ޤައުމީ ޕޭމަންޓް ސިސްޓަމްގެ ޤާނޫނަށް ފުރަތަމަ އިޞްލާޙު ގެނައުމުގެ ބިލު ރައީސް ތަޞްދީޤުކުރައްވައިފި
