
ފުލުހުންގެ އަމުރަށް ކިޔަމަންނުވެ ފިލަން ކާރު ދުއްވީ 18 އަހަރުގެ ޒުވާނެއް!
# ދިވެހި ފުލުހުންގެ ޙިދުމަތް-
ހުޅުމާލޭގައި ބާރު ސްޕީޑްގައި ނުރައްކާތެރިކޮށް ދުއްވަމުން ދިޔަ ކާރެއް މަޑު ކުރަން ފުލުހުން ބުނުމުން، މަޑުނުކޮށް ބާރު ސްޕީޑްގައި ފޭސް އެކަކާއި ފޭސް ދޭއްގައި ދުއްވަމުން ދިއުމުން ފުލުހުން އެ ކާރު ފަހަތުން ފުލުހުންގެ ސައިކަލުގައި އެ ކާރުން ޖައްސައި ވައްޓާލި މައްސަލާގައި ހައްޔަރުކުރި ޒުވާނާގެ ވަނަވަރު ފުލުހުން ހާމަކޮށްފި އެވެ.

ފުލުހުން ރޭ ބުނީ މި ހާދިސާގައި އަދި ސައިކަލުގައި ތިބި ދެ ފުލުހުންގެ ތެރެއިން ފުލުހަކަށް އަނިޔާވެގެން ހޮސްޕިޓަލުގައި ފަރުވާދެމުންދާ ކަމަށެވެ. އަދި ކާރު ދުއްވަން އިން ފިރިހެން މީހާއާ އާއި ކާރުގައި އިން އަންހެން މީހާ ހައްޔަރުކޮށްފައިވާ ކަމަށްވެސް އޮފިޝަލް ބުންޏެވެ.
މި މައްސަލައާއި ގުޅިގެން ހައްޔަރުކުރި އަންހެން މީހާ ރޭ ދޫކޮށްލާފައިވާކަމަށް މައުލޫމާތު ލިބޭއިރު ފުލުހުން ވަނީ މި މައްސަލާގައި ހައްޔަރުކުރި ފިރިހެން މީހާގެ ވަނަވަރު މިއަދު ހާމަކޮށްފައެވެ.
އެގޮތުން މި މައްސަލައިގެ ތުހުމަތުގައި ހައްޔަރުކޮށްފައިވަނީ ކާރު ދުއްވި ހ ފިލިމާގެ/ކ މާލެ އައިކް ހައިޝަމް ހަސަން އެވެ. އޭނާގެ އުމުރަކީ 18 އަހަރެވެ.
މި އެކްސިޑެންޓުގައި އަނިޔާވި ފުލުހުން އޮފިސަރަށް ހުޅުމާލެ ހޮސްޕިޓަލްގައި ފަރުވާ ދިނުމަށްފަހު މިހާރު ދޫކޮށްލާފައިވާ ކަމަށާއި އަދި އިތުރު ފަރުވާ ހޯދުމަށް ސްޕެޝަލިސްޓް ޑޮކްޓަރުންނަށް ދެއްކުމުގެ މަސައްކަތް ކުރަމުންދާ ކަމަށް ފުލުހުން ބުންޏެވެ.
ގުޅުންހުރި

ގިނަ އަދަދެއްގެ މަސްތުވާތަކެއްޗާއި ފައިސާއާއެކު މީހަކު ހައްޔަރުކޮށްފި

ޓެކްސީއެއްގެ ތެރެއަށް ދޫކޮށްލެވެނު ދަބަހަކާއި 400 އަށްވުރެ ގިނަ ޑޮލަރު ހޯދައި ވެރިފަރާތާ ހަވާލުކޮށްފި

ބަނގުރާ ފުޅިތަކެއް ގެންގުޅުނު މައްސަލައާ ގުޅިގެން ހުޅުމާލެއިން މީހަކު ހައްޔަރުކޮށްފި
