logoEN
Sto top
މާވަށުގައި މަރާލި މޫސަގެ ހަށިގަނޑު އޮޓޮޕްސީ ހެދުމަށްފަހު ރާއްޖެ ގެނެސްފި: ޖަނާޒާ މާދަމާ މެންދުރު!

މާވަށުގައި މަރާލި މޫސަގެ ހަށިގަނޑު އޮޓޮޕްސީ ހެދުމަށްފަހު ރާއްޖެ ގެނެސްފި: ޖަނާޒާ މާދަމާ މެންދުރު!

އަހުމަދު ޝުރާއު

logo

8/9/2025, 5:21:15 PM

# ދިވެހި ފުލުހުންގެ ޙިދުމަތް

-

މިިދިޔަ މަހު ފަހުކޮޅު ލ މާވަށުގައި ތޫނު އެއްޗަކުން ހަމަލާދީ މަރާލި މޫސާ އިބްރާހީމްގެ ހަށިގަނޑު އޮޓޮޕްސީ ހެދުމަށް އިންޑިއާއަށް ގެންދިޔުމަށްފަހު މިރޭ ރާއްޖެ ގެނެސްފި އެވެ.

Wamco

މާވަށުގައި ވަޅިން ހަމަލާދީ މަރާލި މޫސާ އިބްރާހީމްގެ ހަށިގަނޑުގެ އޮޓޮޕްސީއެއް ހެދުމަށް ތަހުގީހުން ނިންމާފައިވާކަން ފުލުހުން ހާމަކުރީ މިދިޔަ މަހުގެ 30 ވަނަ ދުވަހު އެވެ. އަދި މުސާގެ ހަށިގަނޑު އޮޓޮޕްސީ ހެދުމަށް މިމަހުގެ 7 ވަނަ ދުވަހުގެ ވަގުތެއްގައި ވަނީ އިންޑިއާއަށް ގެންގޮސްފައި އެވެ. މޫސަގެ ހަށިގަނޑު މިރޭ ރާއްޖެ ގެނެސް އޭނާގެ އާއިލާއާއި ހަވާލުކުރުމަށް ވަނީ ނިންމާފައި އެވެ.

އެގޮތުން އާއިލާއާއި ހަށިގަނޑު ހަވާލުކުރުމުން މާދަމާ މެންދުރު ނަމާދަށްފަހު ޖަނާޒާ ކުރިޔަށް ގެންދިޔުމަށް ވަނި ނިންމާފައި އެވެ.

މި މައްސަލައާއި ގުޅިގެން މޫސައަށް ހަމަލާދިން ހދ ނޮޅިވަރަންފަރު އަސަރީ މަންޒިލް އުމުރުން 29 އަހަރުގެ މުހައްމަދު އިބްރާހިމް ވަނީ ހަމަލާދިން ދުވަހު ފުލުހުންނާއި އަމިއްލައަށް ހަވާލުވެފައި އެވެ. އަދި އޭނާ ހައްޔަރުކޮށް ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީއަތް ނިމެންދެން ވަނީ ބަންދުކޮށްފައި އެވެ.

ބައެއް ފަރާތްތަކުން މައުލޫމާތު ދޭގޮތުގައި މުހައްމަދު އިބްރާހިމް ވަނީ މި މައްސަލައާއި ފުލުހުންނަށް އިއުތިރާފުވެފައި އެވެ. އަދި ހަމަލާދޭން ބޭނުންކުރި ވަޅި ވަނީ މާވަށު މޫދަށް ފީނައިގެން ހޯދާފައި އެވެ.

ނަމަވެސް މިކަމާއި ގުޅޭ މާބޮޑު ތަފްސީލެއް ފުލުހުން އަދި މިހާތަނަށް ހާމައެއް ނުކުރެއެވެ.

E living
ކޮމެންޓް
E living
ފަހުގެ
HDC