
ސޭޝެލްސްގެ ރައީސަށް އެގައުމުގެ މިނިވަން ދުވަހުގެ ތަހުނިޔާ ރައީސް މުއިއްޒު ފޮނުއްވައިފި
# ރައީސް މުއިއްޒު--
ސޭޝެލްސްގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އެ ޤައުމުގެ ރައީސް ވޭވަލް ރާމްކަލާވަން އަށާއި އެ ޤައުމުގެ ސަރުކާރާއި ރައްޔިތުންނަށް ތަހުނިޔާ އާއި ހެޔޮ އެދުންތައް ފޮނުއްވައިފިއެވެ.

ރައީސުލްޖުމްހޫރިއްޔާގެ ރަސްމީ "އެކްސް" އެކައުންޓުން ހިއްސާކުރެއްވި ޕޯސްޓެއްގައި އެމަނިކުފާނު ވަނީ، އެ ޤައުމުގައި މިނިވަންދުވަސް އިޙުތިފާލުކުރަމުންދާނީ އުފާވެރިކަމާއި އެއްބައިވަންތަކަމާއެކުގައިކަމަށް އުއްމީދުކުރައްވާކަމުގައި ވިދާޅުވެފައެވެ. އަދި ދިވެހިރާއްޖެ އާއި ސޭޝެލްސްގެ ގުޅުން، ސާބިތުކަންމަތީ ދެމެހެއްޓެވުމުގެ އަޒުމުގައި ދެމިހުންނެވިކަމުގެ ޔަޤީންކަންވެސް އެމަނިކުފާނު ވަނީ ދެއްވާފައެވެ.
ރައީސް ރާމްކަލާވަން އަށް ފޮނުއްވި ތަހުނިޔާގެ މެސެޖުގައި، ދެ ޤައުމުގެ ޒަމާންވީ ރަޙްމަތްތެރި ގުޅުން ފާހަގަކުރައްވައި، ރައީސުލްޖުމްހޫރިއްޔާ ވަނީ، އިންޑިޔާ ކަނޑުގެ އަމަންއަމާންކަމާއި، ރައްކާތެރިކަމާއި، ދެމެހެއްޓެނިވި ތަރައްޤީއަށް އެކުގައި ކުރާ މަސައްކަތްތަކުގެ މައްޗަށް އަލިއަޅުއްވާލައްވާފައެވެ.
މީގެ އިތުރުން، މިއަދުގެ މުނާސަބަތަކީ، ސޭޝެލްސްގައި އެއްބައިވަންތަކަމާއި ކުރިއެރުން އިތުރަށް ފަހިކޮށްދޭ މުނާސަބަތަކަށް ވެގެންދާނޭކަމަށް އުއްމީދުކުރައްވާކަމުގައި އެމަނިކުފާނު ވިދާޅުވެފައިވެއެވެ. އަދި ދިވެހިރާއްޖެ އާއި ސޭޝެލްސް އާ ދެމެދު އޮންނަ ގުޅުން އިތުރަށް ބަދަހިކުރުމަށް ކުރައްވާ މަސައްކަތުގައި ސާބިތުވެ ހުންނެވިކަމުގެ ޔަޤީންކަންވެސް އެމަނިކުފާނު ދެއްވާފައިވެއެވެ.
ގުޅުންހުރި

މަސްވެރިކަމުގެ އެކްސްޕޯޓްތަކަށް އައު ބާޒާރުތައް ހޯދައި، އިޤްތިޞާދު ސިންދަފާތުކުރުމަށް ބޮޑުވަޒީރު ވޮންގް އާއިއެކު މަޝްވަރާކޮށްފި

ރައީސް މުއިއްޒު ސިންގަޕޫރުގެ ރައީސްގެ އަރިހަށް އިޙްތިރާމްގެ ޒިޔާރަތެއް ކުރައްވައިފި

ރައީސްގެ ދެކަނބަލުންނަށް ސިންގަޕޫރު ސަރުކާރުން ރަސްމީގޮތުން މަރްޙަބާ ދަންނަވައިފި
