logoEN
Sto top
އަންހެނުންގެ ޙައްޤުތަކަށް ވަކާލާތްކޮށް ބާރުވެރިކުރުވުމަށް ރާއްޖެ އޮތީ ތައްޔާރަށް - ރައީސް

އަންހެނުންގެ ޙައްޤުތަކަށް ވަކާލާތްކޮށް ބާރުވެރިކުރުވުމަށް ރާއްޖެ އޮތީ ތައްޔާރަށް - ރައީސް

އަހުމަދު ޝުރާއު

logo

4/4/2025, 3:41:36 PM

# ރައީސް މުއިއްޒު

--

އަންހެނުންގެ ޙައްޤުތަކާއި ބާރުވެރިކުރުވުމާ ގުޅުންހުރި ކަންކަމުގައި ކޮމިޝަން އޮން ދަ ސްޓޭޓަސް އޮފް ވިމެން އަށް އެހީތެރިކަން ފޯރުކޮށްދިނުމަށް ރާއްޖެ އޮތީ ތައްޔާރަށް ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.

Wamco

ރައީސް މިފަދައިން ވިދާޅުވީ މިއަދު އެކޮމިޝަންގެ ކުރިޔަށް އޮތް ދައުރަށް ރާއްޖެ އިންތިހާބުވުމާއި ގުޅިގެން އެކްސްގައި ކުރެއްވި ޕޯސްޓެއްގައި އެވެ.

އެގޮތުން ރައީސް ވިދާޅުވީ 2026-2030 ގެ ދައުރަށް ކޮމިޝަން އޮން ދަ ސްޓޭޓަސް އޮފް ވިމެންގެ މެންބަރުކަމަށް ރާއްޖެ ހޮވުމަކީ ރާއްޖެއަށް ލިބޭ ވަރަށް ބޮޑު ޝަރަފެއް ކަމަށެވެ. އަދި މިއަދު އެ ކޮމިޝަނަށް އިންތިޚާބުވި ހުރިހާ ޤައުމަކަށް މަރުޙަބާ ދަންނަވައި ރައީސް ވިދާޅުވީ އަންހެނުންގެ ޙައްޤުތަކާއި ބާރުވެރިކުރުވުމާ ގުޅުންހުރި ކަންކަމުގައި ކޮމިޝަނަށް އެހީތެރިކަން ފޯރުކޮށްދިނުމަށް ރާއްޖެ އޮތީ ތައްޔާރަށް ކަމަށެވެ.

އަދި ފާެއިތުވި އަހަރުތަކުގައި، ޤައުމީ އަދި ބައިނަލްއަޤްވާމީ ފެންވަރުގައި އަންހެނުންގެ ޙައްޤުތަކާއި ދަރަޖަ ކުރިއެރުވުމުގައި ރާއްޖެއިން ބޮޑެތި ކުރިއެރުންތަކެއް ހޯދާފައިވާ ކަން ފާހަގަކުރައްވައި ރައީސް ވިދާޅުވީ އުންމީދު ކުރައްވަނީ ހުރިހާ ފަރާތްތަކާއިއެކު އެކު، ކޮމިޝަނުގެ މަސައްކަތްތައް އިތުރަށް ހަރުދަނާކޮށް، މިހާރަށްވުރެ އިންކްލޫސިވް މުސްތަގުބަލަކަށް މަސައްކަތް ކުރުމަށް ކަމަށެވެ.

ކޮމިޝަން އޮން ދަ ސްޓޭޓަސް އޮފް ވިމެން (ސީއެސްޑަބްލިއު) އަކީ ޖިންސުގެ ހަމަހަމަކަން ކުރިއެރުވުމާއި، ހައްގުތަކާއި އަންހެނުން ބާރުވެރިކުރުވުމަށް ހާއްސަކޮށް ދުނިޔޭގެ އެންމެ ބޮޑު އިންޓަގަވަމެންޓަލް ބޮޑީ އެވެ. އިކޮނޮމިކް އެންޑް ސޯޝަލް ކައުންސިލް (އީކޯސޮކް) ގެ ފަންކްޝަނަލް ކޮމިޝަނެއް ކަމަށްވާ ސީއެސްޑަބްލިއު އަކީ 21 ޖޫން 1946 ގެ އީކޯސޮކްގެ ގަރާރު 11 (II) އިން އުފައްދާފައިވާ ކޮމިޝަނެކެވެ.

އެކޮމިޝަންގެ މައިގަނޑު މަގްސަދަކީ އަންހެނުންނާއި އަންހެން ކުދިންގެ ޙައްޤުތައް ކުރިއެރުވުމާއި، ދުނިޔޭގެ އެކި ކަންކޮޅުތަކުގައި އެކުދިންގެ ދިރިއުޅުމުގެ ފެންވަރު ރަނގަޅުކުރުމުގެ އިތުރުން ޖިންސުގެ ހަމަހަމަކަމާއި، އަންހެނުންނާއި އަންހެން ކުދިން ބާރުވެރިކުރުވުމަށް މަސައްކަތްކުރުމެވެ.

Maldivian
ކޮމެންޓް
Maldivian
ފަހުގެ
STELCO Inside