logoEN
Sto top
އޭސީސީގެ ރައީސް ނުފޫޒު ފޯރުވާ ކަމަށް ތުހުމަތުކޮށް މައްސަލަ ބަލައިދޭން އެދިއްޖެ

އޭސީސީގެ ރައީސް ނުފޫޒު ފޯރުވާ ކަމަށް ތުހުމަތުކޮށް މައްސަލަ ބަލައިދޭން އެދިއްޖެ

އަހުމަދު ޝުރާއު

logo

3/10/2025, 4:22:12 PM

# އޭސީސީ

--

އެންޓި ކޮރަޕްޝަން ކޮމިޝަން (އޭސީސީ)ގެ ރައީސް އާދަމް ޝާމިލް، މަގާމުގެ ނުފޫޒު ނަހަމަ ގޮތުގައި ބޭނުންކުރި ކަމުގެ ތުހުމަތާ އެކު އޭނާގެ މައްސަލަ އޭސީސީއަށް، ސުޕްރީމް ކޯޓުގެ ފަނޑިޔާރު ޑރ. އަޒްމިރަލްދާ ޒާހިރު ހުށަހަޅުއްވައިފި އެވެ.

Wamco

އޭސީސީއަށް ހުށަހެޅި މި މައްސަލާފައި އަޒްމިރަލްދާ ތުހުމަތު ކުރައްވާފައިވަނީ ޝާމިލް މަޤާމުގެ ނުފޫޒު ނަހަމަ ގޮތުގައި ބޭނުންކޮށް، ދޮގު މަޢުލޫމާތު ހިމަނައިގެން ކަންކަން ކުރިއަށް ގެންގޮސްފައިވާ ކަމަށެވެ. އަދި ފަނޑިޔާރުކަމުގެ މަސްއޫލިއްޔަތުތަކުން ވަގުތީގޮތުން އެކަހެރިކުރި ނަމަވެސް، އޭނާގެ މައްޗަށް އެއްވެސް ތުހުމަތެއްގައި މައްސަލައެއް ބަލާކަން އޭސީސީން އަންގާފައިނުވާކަމަށާއި އަދި އޭސީސީން ޖުޑީޝަލް ސަރވިސް ކޮމިޝަން (ޖޭއެސްސީ)އަށް ސިޓީ ފޮނުވާފައިވަނީ އާންމު އުސޫލާ ޚިލާފަށް ޖެމްސް މެދުވެރިނުކޮށްކަމާއި، އެ ސިޓީގައި ސިޓީ ނަންބަރެއް ނެތްކަން ވެސް އަޒްމިރަލްދާ ފާހަގަކުރެއްވި އެވެ.

"އެންޓި ކޮރަޕްޝަން ކޮމިޝަންގެ ރައީސް އާދަމް ޝާމިލް އެންޓި ކޮރަޕްޝަން ކޮމިޝަންގެ އާއްމު އިޖުރާއަތުތަކާ ހިލާފުވެ މަގާމުގެ ނުފޫޒު ނާޖާއިޒުގޮތުގައި ބޭނުންކުރައްވައި ސުޕްރީމް ކޯޓުގެ ޝަރީއަތެއް ހުއްޓާލައި ފަނޑިޔާރުން ސަސްޕެންޑުކުރުމަށް ސިޓީ ފޮނުއްވާފައިވަނީ ސުޕްރީމް ކޯޓުގައި އޮތް މައްސަލަ ކުރިއަށް ނުގެންދެވުމަށް މައްސަލަ ރައްދުވާ އެޓާނީ ޖެނެރަލްގެ ފަރާތުން ބޭނުންވާތީ އެ މަގުސަދު ހާސިލްކޮށްދިނުމަށާއި އަދި އެންޓި ކޮރަޕްޝަން ކޮމިޝަންގެ ރައީސަކީ ރައީސުލްޖުމްހޫރިއްޔާ އައްޔަންކުރާ ފަރާތެއް ކަމަށް އެ ކޮމިޝަންގެ ގާނޫނަށް ގެނެވުނު ތިން ވަނަ އިސްލާހުގައި ކަނޑައަޅާފައިވާތީ އަމިއްލަ މަގާމު ދިފާއުުކުރުމުގެ މަސްހަލަތުކަމުގައި ވެސް ދެކެމެވެ،" އެ ސިޓީގައި އަޒްމިރަލްދާ ވިދާޅުވި އެވެ.

އަދި ޝާމިލްގެ މި އަމަލުތަކަކީ، ރަސްމީ ހައިސިއްޔަތު ނުވަތަ އެ ހައިސިއްޔަތުގެ ނުފޫޒު ނަހަމަގޮތުގައި ބޭނުންކޮށް، އެކަމުގައި ތިމާއަށް އަދި މަންފާ ލިބެންނުޖެހޭ ފަރާތަށް މަންފާ ހޯދައިދިނުމުގެ މަގުސަދުގައި ކޮށްފައިވާ ކަމެއްކަމުގައިވާތީ، ޖިނާއީ ކުށުގެ މި ޢަމަލު އަވަސްގޮތެއްގައި ތަހުގީގުކޮށްދިނުމަށް އަޒްމިރަލްދާ ވަނީ އެދިވަޑައިގެންފަ އެވެ.

އޭސީސީން ބަލަމުންދާ މައްސަލައަކާ ގުޅިގެން ކަމަށް ބުނެ، މިދިޔަ މަހުގެ 26 ވަނަ ދުވަހު އަޒްމިރަލްދާގެ އިތުރުން ފަނޑިޔާރު މަހާޒު އަލީ ޒާހިރު އަދި ފަހުން އިސްތިއުފާ ދެއްވި ހުސްނުއްސުޢޫދު ވަނީ ސަސްޕެންޑް ކުރެވިފައެވެ. ނަމަވެސް، މި ފަނޑިޔާރުންނާ ގުޅޭގޮތުން އޭސީސީން ބަލަމުންދަނީ ކޮން މައްސަލައެއްކަން މިހާތަނަށް ހާމަކޮށްފައެއް ނުވެއެވެ. އަދި އެކަމާއި ގުޅިގެން ދާދި ފަހުން މީޑީއާއަކުން ޝާމިލްއާއި ސުވާލުކުރުމުން ވަނީ ޖަވާބު ދިނުމަށް އިންކާރުވެސްކޮށްފައި އެވެ.

Maldivian
ކޮމެންޓް
Maldivian
ފަހުގެ
STELCO Inside