ރާއްޖޭގައި ހަށިވިއްކަމުން ދިޔަ ވިއެޓްނާމުގެ ދެ އަންހެނަކު ޑީޕޯޓުކޮށްފި

ރާއްޖޭގައި ހަށިވިއްކުމުގެ ފިޔަވާރި ކުރަމުންދިޔަ ދެ ބިދޭސީއަކު ޑިޕޯޓުކޮށްފި އެވެ.

އިމިގްރޭޝަނުން މިއަދު ބުނީ ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ ބިދޭސީންނަށް އަމާޒުކޮށް އިމިގްރޭޝަނާއި ފުލުހުން ގުޅިގެން ކުރިއަށްގެންދިއަ އޮޕަރޭޝަނެއްގައި ފުޅާދާއިރާއެއްގައި ހަށިވިއްކުމުގެ ވިޔަފާރި ކުރަމުންދިއަ 02 ބިދޭސީ އަންހެނަކު ވަނީ އިމިގްރޭޝަންގެ ބެލުމުގެ ދަށަށް ގެނެސްފައި ކަމަށެވެ.

އރގޮތުން މީގެތެރެއިން އެކަކީ ވޯކް ވިސާގައި ރާއްޖޭގައި އުޅެމުންދިއަ މީހެއް ކަމަށައި އަދި ދެވަނަ މީހާއަކީ ޓޫރިސްޓު ވިސާގައި ރާއްޖެ އައިސްފައިވާ މީހެއް ކަމަށް އިމިގްރޭޝަނުން ބުނެއެވެ.

އިމިގްރޭޝަނުން އަތުލައިގަތް މި ދެބިދޭސީންނަކީވެސް ވިއެޓްނާމަށް ނިސްބަތްވާ ދެ މީހުންނެވެ.

އިމިގްރޭޝަނުން ބުނީ މި މައްސަލަ ތަހުޤީޤު ކުރުމަށްފަހު، މި ދެ މީހުން ވެސް މިހާރު ޑީޕޯޓުކޮށްފައިވާ ކަމަށެވެ.