ބުރާސްފަތީގައި ސަރުކާރު ބަންދަސް ޕާސްޕޯޓުގެ ހިދުމަތް ލިބޭނެ!

އަންނަ ބުރާސްފަތި ދުވަހަކީ ސަރުކާރު ބަންދުދުވަހެއް ކަމުގައިވީ ނަމަވެސް އެދުވަހުވެސް ދިވެހި ޕާސްޕޯޓުގެ ހިދުމަތް ލިބޭނެ ކަމަށް އިމިގްރޭޝަނުން ބުނެފި އެވެ.

އިމިގްރޭޝަނުން މިއަދު ބުނީ, ބުރާސްތި ދުވަހު މާލޭގައި ހުންނަ އިމިގްރޭޝަން އޮފީހުން 65 އަހަރުން މަތީގެ ފަރާތްތަކާއި އެމާޖެންސީ ހާލަތްތަކުގައި އިމިގްރޭޝަނަށް ހާޒިރުވެ ޕާސްޕޯޓަށް އެދި އޮންލައިންކޮށް ހުށަހެޅުން ކުރިއަށް ދާނީ ހެނދުނު 8:30 އިން މެންދުރު 14:00 އަށް ކަމަށެވެ.

އަދި ޕާސްޕޯޓު ނަގަން ބޭނުންވާ ފަރާތްތަކުން ހެނދުނު 8:30 އިން 14:00 އަށް ކިއުބީ އެޕްލިކޭޝަން މެދުވެރިކޮށް ނުވަތަ އިމިގްރޭޝަނަށް ހާޒިރު ވެގެން ނަމްބަރު ނެގޭނެ ކަމަށްވެސް އިމިގްރޭޝަނުން ވަނީ ބުނެފައި އެވެ.

އިމުގާ މެދުވެރިކޮށް 24 ގަޑިއިރު ޕާސްޕޯޓަށް އެދި ހުށަހެޅޭނެއެވެ.

ބުރާސްފަތި ސަރުކާރު ބަންުދު ދުވަހެއްގެ ގޮތުގައި ހަމަޖެއްސެވީ މީލާދީ އާ އަހަރު ފެށޭ ދުވަހަކީ ސަރުކާރު ބަންދު ދުވަހަކަށްވާތީ ކަލަންޑަރުގައިވާ ގޮތުން މާދަމާ ވަނީ ބުދަ ދުވަހަށް ވެފައި، ޖެހިގެން އަންނަ ދުވަހަކީ ރަސްމީ ދުވަހަކަށްވާތީ ބަންދު ދުވަސްތަކަށް މެދުކެނޑުމެއްނައިސް، މުއައްޒަފުންނަށް ޗުއްޓީ ލިބޭ ގޮތަށް ހަމަޖައްސައި ދިނުމަށެވެ.