2026 ގެ ނިޔަލަށް ރާއްޖޭގެ ހުރިހާ މަސައްކަތްތެރީންގެ މުސާރަތައް ބޮޑުކުރެވޭނެ - ރައީސް

2026 ގެ ނިޔަލަށް ރާއްޖޭގެ ހުރިހާ މަސައްކަތްތެރީންގެ މުސާރަތައް ބޮޑުކުރެވިގެންދާނެ ކަމަށް ރައީސް ޑރ މުހައްމަދު މުއިއްޒު ވިދާލުވެއްޖެ އެވެ.

ރައީސް މިފަދައިން ހާމަކުރެއްވީ އެމަނިކުފާނުެ ވެރިކަމަށް އެއް އެއް އަހަރު ފުރުން ފާހަގަކުރުމަށް މިހާރު މާލޭގެ ޒުވާނުންގެ މަރުކަޒުގައި ކުރިޔަށްދާ އްޔިތުންނާއެކު ކުރިއަށް – ހަފްތާ 52 ފާހަގަކުރުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

އެގޮތުން ރައީސް ވިދާޅުވީ ރާއްޖޭގެ ހުރިހާ މަސައްކަތްތެރީންގެ މުސާރަތައް ބޮޑުކުރުމަކީ އެަނިކުފާނުގެ ރިޔާސީ ވައުދުފުޅެއް ކަމަށާއި އެކަން ތަންފީޒުކުރުމަށް ނިންމާފައިވަނީ ފިޔަވަހި ތަކަކަށް ބަހާލައިގެން ކަމަށެވެ. އެގޮތުން ޕޭ ހާމަނައިޒް ކުރުމުގެ މަސައްކަތުގެ ތެރެއުން އެންމެ ފުރަތަމަ މުސާރަތައް ބޮޑު ކުރުމަށް ހަމަޖެހިފައިވަނީ މިހާރު މުސާރަތައް ބޮޑުކޮށްފައިވާ ނުވާ ސިވިލް ސާވިސްގެ ހުރިހާ މުވައްޒަފުންގެ ކަމަށާއި އެކަން އަންނަ އަހަރުގެ ތެރޭގައި ކުރައްވާނެ ކަމަށެވެ. އަދި އެޔަށްފަހު ޖުޑީޝަރީގައި މަސައްކަތްކުރާ މުވައްޒަފުންގެ މުސާރަތައް ބޮޑުކުރާނީ ދެވަނަ ފިޔަވަހީގެ ދަށުން އަންނަ އަހަރުގައި ކަންވެސް ރައީސް ފާހަގަކުރެއްވި އެވެ.

ރައީސް މުއިއްޒު އިތުރަށް ވިދާޅުވީ ސަރުކާރުގެ އަމާޒަކީ 2026 ވަނަ އަހަރު ނިމެންވާއިރަށް ރާއްޖޭގެ ހުރިހާ މަސައްކަތްތެރީންގެ މުސާރަތައް ބޮޑުކުރުމަށް ކަމަށާއި އެކަން ދެއަހަރުން ފުރިހަމަ ވެގެންދާނެ ކަމުގެ ޔަގީންކަން އޮތް ކަމަށެވެ.\

ރާއްޖޭގެ މުސައްކަތްތެރީންގެ މުސާރަތައެް ބޮޑުކުރުމަކީ ރައީސް ޑރ މުހައްމަދު މުއިއްޒުގެ ރިޔާސީ ވައުދުފުލެކެވެ.