މީޑިއާތައް ކޮންޓްރޯލް ކުރަން ނޫޅެން - ރައީސް

ރައްޔިތުންގެ މަޖިލީހަށް ހުށަހަޅާފައިވާ 'މީޑިއާ ކޮންޓްރޯލް ބިލް' އަކީ ގަބޫލުފުޅު ކުރައްވާ ހަމަތަކުގެ މަތީގައި އޮތް ބިލެއް ނޫން ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.

ރައީސް މިފަދައިން ވިދާޅުވީ އެމަނިކުފާނުެ ވެރިކަމަށް އެއް އެއް އަހަރު ފުރުން ފާހަގަކުރުމަށް މިހާރު މާލޭގެ ޒުވާނުންގެ މަރުކަޒުގައި ކުރިޔަށްދާ އްޔިތުންނާއެކު ކުރިއަށް – ހަފްތާ 52 ފާހަގަކުރުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

ރައީސް ވިދާޅުވީ މީޑީއާތައް ކޮންޓްރޯލް ކުރުމަކީ އެމަނިކުފާނު ކުރައްވާނެ ކަމެއް ނޫން ކަމަށާއި ބޭނުންފުޅު ވަނީ މީހާވެސް ބޮޑަށް ނޫސްވެރިންނަށް އަދިވެސް ނޫސްވެރިކަން ކުރެވޭނެ މިނިވަން މާހައުލެއް ގާއިމްކޮށްދޭން ކަމަށެވެ. އެގޮތުން ނޫސްވެރިން ބާރުވެރިކުރުމުގެ ގޮތުން އަންނަ އަހަރު ދައުލަތުގެ ބަޖެޓުން ނޫސްވެރިންނަށް ފައިސާ ދިނުމަށް ކަނޑައަޅައި އެކަން އަންނަ އަހަރުގެ ތެރޭގައި ތަންފީޒުކުރެވިގެންދާނެ ކަމަށެވެ.

އަދި މީޑީއާ ވިލެޖުގެ މަސައްކަތްވެސް ދާދި އަވަހަށް ފެށި އެތަނުގެ ފައިދާ ނޫސްވެރިންނަށް މާލަސްތަކެއް ނުވެ ލިބިގެންދާނެ ކަމަށް ރައީސް ވިދާޅުވިއެވެ.

ރައްޔިތުންގެ މަޖިލީހުން ރުހުން ދީގެން ރައީސް އައްޔަންކުރާ ބައެއްގެ ކޮންޓްރޯލް އޮންނަ ކޮމިޝަނަކުން މީޑިއާ ރެގިއުލޭޓް ކުރާ ގޮތަށް ބިލު ހުށަހެޅުއްވީ ތުޅާދޫ ދާއިރާގެ އަމިއްލަ މެންބަރު އަބްދުއްހަންނާން އަބޫބަކުރެވެ.