މިރޭ ވީއައިއޭގައި ޚާއްސަ ޑްރިލްއެއް ބާއްވަނީ

ރާއްޖޭގެ މައި އެއާޕޯޓު, ވެލާނާ އިންޓަނޭޝަނަލް އެއާޕޯޓުގައި މިރޭ ޑްރިލެއް ކުރިޔަށް ގެންދަން އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑުން ތައްޔާރުވެއްޖެ އެވެ.

އެމްއޭސީއެލުން މިއަދު އެކްސްގައި ކުރި ޕޯސްޓެއްގައި ބުނީ އެއާޕޯޓުގެ ފަޔަރ ސްޓޭޝަން 1 ގެ ފަޔަރ ޓްރެއިނިންގ ގްރައުންޑްގައި މިރޭ 20:00 އިން 21:30 އަށް ކޮންޓްރޯލް ލައިވް ފަޔަރ ޑްރިލްއެއް ކުރިއަށް ގެންދިއުމަށް ވަނީ ހަމަޖެހިފައި ކަމަށެވެ.

އަދި މި ޑްރިލްގައި އަލިފާން ބޭނުންކުރާނެތީ އެސަރަހައްދުން ދުމުގެ އަސަރު ފެނިދާނެ ކަމަށާއި އެކަމުގެ ސަބަބުން އެއާޕޯޓުގެ އޮޕަރޭޝަނަށް އެއްވެސް ބުރޫއެއް ނާރާނެ ކަމަށްވެސް އެމްއޭސީއެލުން ވަނީ ބުނެފައި އެވެ.

މައުލޫމާތު ލިބޭގޮތުގައި މި ޑްރިލްއަކީ އެއާޕޯޓުގެ ފަޔާފައިޓަރުންގެ ތަމްރީން ޕްރޮގްރާމެއްގެ ތެރެއިން ކުރިޔަށް ގެންދާ ޑްރިލް އެކެވެ.