މާދަމާ ބަންގްލަދޭޝްގެ ހުރިހާ ތައުލީމީ މަރުކަޒުތަކާއި، ޕަބްލިކް-ޕްރައިވެޓް ޔުނިވާސިޓީއަށް ހުޅުވަން ނިންމައިފި

މާދަމާއިން ފެށިގެން ބަންގްލަދޭޝްގެ ހުރިހާ ތައުލީމީ މަރުކަޒުތަކާއި، ޕަބްލިކް-ޕްރައިވެޓް ޔުނިވާސިޓީއަށް ހުޅުވަން ނިންމައިފި އެވެ.

މިކަން ހާމަކޮށްފައިވަނީ އެގައުމުގެ އިންޓަރ ސަރވިސަސް ޕަބްލިކް ރިލޭޝަންސް (އައި.އެސް.ޕީ.އާރު) އިން މިރޭ ނެރުނު ބަޔާނެއްގައި އެވެ.

ދާހިލީ ހަމަނުޖެހުންތަކެއްގެ ތެރޭގައި އޮތް ބަންގްލަދޭޝް އާންމު ހާލަތައް ގެނައުމުގެ މަސައްކަތް ފަށާފައިމިވަނީ އެގައުމުގެ ބޮޑުވަޒީރު ޝެއިހް ހަސީނާ މަގާމުން އިސްތިއުފާ ދެއްވާ އެގައުމު ދޫކޮށް ފިއްލެވުމާއި އެކު އިންތިގާލީ ސަރުކާރެއް ގާއިމްކުރުމުގެ މަސައްކަތް ފަށާފައިވާ ދަނޑިވަޅެއްގައި އެވެ.

އައި.އެސް.ޕީ.އާރު އިން ބުނާގޮތުގައި ދާހިލީ ހަމަޖެހުން ގެނައުމަށް މިރޭ ދަންވަރު 12 އިން ފެށިގެން މާދަމާ ހެނދުނު 06:00 ގެ ނިޔަލަށް މުޅި ބަންގްލަދޭޝްގައި ކާފިއު ހިންގުމަށް ވަނީ ނިންމާފައި އެވެ.

އަދި އެޔަށްފަހު މާދަމާ ހެދުނުން ފެށިގެން ތައުލީމީ ހުރިހާ އިންސްޓިއިޓިއުޓްތަކުގައި ކިޔެވުން ފެށުމަށް އެތަންތަން ހުޅުވުމަށް ވަނީ އަންގާފައި އެވެ.

އިތުރު ތަފްސީލް އަންނަނީ ..