--
ބަންގްލަދޭޝްގެ ގާނޫނު ހަދާ މަޖިލީސް އުވާލަން ނިންމާފައިވާކަމަށް ރިޕޯޓުތައް ބުނެފި އެވެ.
ދާހިލީ ހަމަނުޖެހުމެއްގެ ތެރޭގައި މިވަގުތު އޮތް ބަންގްލަދޭޝްގެ ހަބަރުތައް ގެނެސްދޭ ޕްރޮތޯމަލޯ ނޫހުން ރިޕޯޓުކުރާ ގޮތުގައި މި ނިންމުން ނިންމާފައިވަނީ ބަންގްލަދޭޝްގެ ރައީސް އާއި އެކު އެގައުމުގެ ސިޔާސީ ޕާޓީތަކުން މިރޭ ކުރިޔަށް ގެންދިޔަ ރަސްމީ މަޝްވަރާތަކުގައި އެވެ.
އެގޮތުން އެކުލަވާލަން ތައްޔާރުވަމުން އަންނަ އިންތިގާލީ ސަރުކާރު އެކުލަވާލާނީ މިހާރު އޮތް ގާނޫނު ހަދާ މަޖިލީސް ނުވަތަ ނެޝަނަލް އެސެމްބްލީ އެއްކޮށް އުވާލުމަށް ފަހުގައި ކަމަށް ބައްދަލުވުމުގައި މަޝްވަރާކުރެވި އެފަދައިން ނިންމާފައިވާކަމަށް އެނޫހުން ރިޕޯޓުކުރެއެވެ.
ރައީސްގެ ރަސްމީ ގެކޮޅު ބަންގަބަބަންގައި ތިން ބާރުގެ އިސްވެރިންގެ ހާޒިރުގައި ކުރިޔަށް ގެންދިޔަ މި ބައްދަލުވުމުގައި އެގައުމުގެ ރައީސް ޞަޙާބުއްދީން ވަނީ އެކި ސިޔާސީ ޕާޓީތަކުގެ ލީޑަރުންނާއި މަދަނީ ޖަމިއްޔާތަކުގެ މަންދޫބުންނާ ބައްދަލުކުރައްވާފައެވެ.
މި ބައްދަލުވުމުގައި މިވަގުތު އެގައުމުގެ އުފެދިފައިވާ ދީހިލީ ހަމަނުޖެހުން އާންމު ހާލަތަކަށް ގެނައުމަށް އަސްކަރިއްޔާއިން އަޅާނެ ފިޔަވަޅުތައްވެސް ހާމަކޮށްފައިވާ ކަމަށް ރިޕޯޓުތައް ބުނެއެވެ.
ބަންގްލަދޭޝްގެ ގާނޫނު ހަދާ މަޖިލީސް, ޖާތިޔާ ސަންގްސާދު ގެ މެޖޯރިޓީ އޮތީ މިއަދު އިސްތިއުފާދެއްވި ބޮޑުވަޒީރު ޝެއިހް ހަސީނާ ނިސްބަތްވާ އަވާމީ ލީގުގައި އެވެ. އެގޮތުން މަޖިލީހުގައި އަވާމީ ލީގަށް ނިސްބަތްވާ 270 މެމްބަރުން ތިއްބަވާއިރު އިދިކޮޅު ޕާޓީތަކުގެ ތިއްބަވަނީ 79 މެމްބަރުންނެވެ.
ފަހުގެ
