ފަރަށް އެރި ރޯޝަނީ ބޯޓު ފުންކޮށްފި

މުދާ ބަރުކޮށްގެން ދަތުރުކުރަމުން ދަނިކޮށް ފަރަށް އެރި ރޯޝަނީ ބޯޓު ފުންކޮށްފިއެވެ.

16 މީހުންނާ އެކު މުދާ ބަރުކޮށްގެން ގދ. ފަރެސްމާތޮޑާއަށް ދަތުރުކުރަނިކޮށް އެ ބޯޓު ފަރަށް އަރާފައިވަނީ ރޭ ދަންވަރުގެ ވަގުތެއްގައެވެ.

އެ ބޯޓުގައި ގާތްގަޑަކަށް 6 މިލިއަނަށް ވުރެ ގިނަ ރުފިޔާގެ މުދާ ހުރިއިރު، އެ ބޯޓު ފުންކުރުމުގެ މަސައްކަތް ކުރުމަށް މްއެންޑީއެފްގެ ކޯސްޓްގާޑްގެ ޑައިވަރުންނާއެކު ބޯޓުގެ ފަޅުވެރިން ވަނީ ހަރަކާތްތެރިވެފައެވެ. ރޯޝަނީ ބޯޓު ފުންކުރެވިފައިވަނީ މިއަދު މެންދުރު 11:10 ހާއިރުއެވެ.

އެ ބޯޓު ފަރަށް އެރި ނަމަވެސް، ބޯޓުގެ ފަޅުވެރިންގެ ހާލު ރަނގަޅުކަމަށް އެމްއެންޑީއެފް އިން ބުންޏެވެ.