ތިނަދޫ ސިޓީ --
އިއްޔެ އެންމެ ބޯކޮށް ވާރޭވެހިފައިވަނީ ތިނަދޫ ސިޓީއަށް ކަމަށް މޫސުމާބެހޭ ގައުމީ އިދާރާއިން ބުނެފި އެވެ.
މޫސުމާބެހޭ ގައުމީ އިދާރާއިން އާއްމުކޮށްފައިވާ ތަފާސްހިސާބުތަކަށް ބަލާއިރު, އިއްޔެ ތިނަދޫ އަށް 50.9 މިލިމީޓަރުގެ ވާރޭ ވަނީ ވެހިފައެވެ. ދެވަނަ އަށް އެންމެ ގިނައިން ވާރޭ ވެހުނު ކަމަށް ރެކޯޑް ކުރެވިފައިވަނީ ކ. ގާފަރަށެވެ. އެއީ 23.9 މިލިމީޓަރުގެ ވާރޭ އެވެ.
އެ އިދާރާގެ ތަފާސްހިސާބުތަކަށް ބަލާއިރު, ގދ. ކާޑެއްދޫއަށް 22.7 މިލިމީޓަރުގެ ވާރޭ ވަނީ ވެހިފައެވެ.
މި ދުވަސްކޮޅަކީ ރާއްޖޭގެ އެކި ސަރަހައްދުތަކަށް ވިއްސާރަ ދުވަސްވަރެކެވެ. އެހެންކަމުން މޫސުމަށް ހާއްސަ ސަމާލުކަމެއް ދިނުމަށް އެއިދާރާއިން އިލްތިމާސްކުރެއެވެ.