ހުދު ސަމާލު
މޫސުން ގޯސްވާނެ ކަމަށް ލަފާކޮށް ރާއްޖޭގެ ބައެއް ސަރަހައްދުތަކަށް ހުދު ސަމާލު ނެރެފިއެވެ.
މޫސުމާ ބެހޭ ގައުމީ އިދާރާއިން މިރޭ 11:45 އިން ފެށިގެން ފަތިހު 04:45 އާ ހަމައަށް ހުދު ސަމާލު ނެރެފައިވަނީ ވ އަތޮޅުން ފެށިގެން ލ އަތޮޅާ ހަމައަށެވެ.
އެސަރަހައްދުތަކަށް ހުދު ސަމާލު ނެރެފައިވަނީ، ބޯކޮށް ވާރޭވެހުމާއެކު ގުގުރާނެ ކަމަށް ލަފާކޮށްފައެވެ.
ރަމަޟާން މަސް ފެށުނީއްސުރެ މިއަދާއި ހަމައަށްވެސް ރާއްޖޭގެ ހުރިހާ ސަރަހައްދަކަށްވެސް މޫސުން ރަނގަޅެވެ. ނަމަވެސް ހޫނު ގަދަވެ އިހުސާސް ކުރެވޭ ހޫނުމިން އާދަޔާ ހިލާފަށް ބައެއް ސަރަހައްދުތަކަށް ވަނީ މައްޗަށް ގޮސްފައި އެވެ.