ރައީސްގެ އަމާޒަކީ މަޖިލީހުގެ 62 ގޮނޑިއާއެކު ސުޕަ މެޖޯރިޓީ ކާމިޔާބުކުރުން

ކުރިއަށް އޮތް ރައްޔިތުންގެ މަޖިލިސް އިންތިހާބުގައި 62 ގޮނޑިއާއެކު މަޖިލީހުގެ ސުޕަ މެޖޯރިޓީ ހޯއްދަވާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް މިހެން ވިދާޅުވީ، މިއަދު ކުރިއަށްދާ ޕީޕީއެމް/ޕީއެންސީ މަޖިލިސް ޕްރައިމަރީގެ ކަންކަން ކުރިއަށް ދާގޮތް ބައްލަވާލެއްވުމަށް މިއަދު ހެންވޭރު ދަނޑަށް ވަޑައިގެން ނޫސްވެރިންނަށް ދެއްވި އިންޓަވިއުއެއްގައެވެ.

ރައީސް ވިދާޅުވީ، މަޖިލިހުގެ 62 ގޮނޑިއާއެކު ސުޕަ މެޖޯރިޓީ ނަގާނީ ރައްޔިތުންގެ ތާއީދާ އެކުގައި ކަމަށެވެ.

މިއަދު ކުރިއަށް ދާ ޕީޕީއެމް ޕީއެންސީ ޕްރައިމަރީގެ ވޯޓުލުމުގެ ކަންތައްތައް ފަށާފައިވަނީ މިއަދު ހެނދުނު 10:00 ގައެވެ. އަދި ވޯތުގެ ކަންކަން ހަވީރު 17:00 އާ ހަމައަށް ކުރިއަށް ގެންދާނެ އެވެ.