FB_IMG_1692820850512
ދުނިޔޭގައި މިވަގުތު ހުރި އެންމެ މޮޅު އެއް ފޯވާޑް އަދި އެންމެ ފަހުގެ ބެލެންޑޯ އެވޯޑް ހޯދާފައިވާ ފްރާންސްގެ ތަޖުރިބާކާރު ފޯވާޑް ކަރީމް ބެންޒީމާ، އޭނާ މިހާރު ކުޅެމުން އަންނަ ސައުދީ ޕްރޮފެޝަނަލް ލީގުގެ ޗެމްޕިއަން އަލް އިއްތިހާދް ދޫކޮށްލަށް އުޅޭކަމަށް މީޑިޔާ ރިޕޯޓުތަށް ބުނެފިއެވެ.
ރިޕޯޓްތައް ބުނާ ގޮތުން އަލް އިއްތިހާދުގެ ޕޯޗުގަލް ކޯޗު ނޫނޯ އެސްޕިރިޓޯ ސަންޓޯ ވަނީ ބެންޒެމާއަކީ އޭނާގެ ޓެކްޓިކަލް ސްޓައިލަށް ނުފެތޭ ކުޅުންތެރިއެއް ކަމަށް އެ ކްލަބުގެ ބޯޑަށް އަންގާފަ އެވެ. އަދި މިދިޔަ އަހަރު އަލް އިއްތިހާދަށް ސައުދީ ލީގު ކާމިޔާބުކޮށްދިން ކޯޗު ނޫނޯ އެސްޕިރިޓޯ ސަންޓޯ އެންމެ ފުރަތަމަ ދުވަހުން ފެށިގެން ވެސް ފްރާންސްގެ ފޯވާޑު އެކުލަބަށް ގެނައުމާއި ދެކޮޅުކަމަށާއި، ޓީމުގެ ކެޕްޓަން ކަމަށް ބެންޒީމާ ޝައުގުވެރިކަން ފާޅުކުރުމުން އެކަމަށް ވެސް އޭނާ ދެކޮޅުހަދާފައި ވާކަމަށް މިޑިއާ ރިޕޯޓްތައް ބުނެއެެވެ.
މިއަހަރުގެ ޖޫން މަހު ހިލޭ ޓްރާންސްފާއެއްގައި ސްޕެއިންގެ ރެއާލް މެޑްރިޑުން އަލް އިއްތިހާދަށް ބަދަލުވި ފޯވާޑް ވަނީ މިހާތަނަށް އެޓީމަށް ކުޅެދިން 6 މެޗުގައި އެޓީމަށް 3 ލަނޑު ކާމިޔާބުކޮށްދިނުމުގެ އިތުރުން އިތުރު ދެ ލަނޑު ޖެހުމަށް އެހީތެރިވެދީފައެވެ.
ފަހުގެ
