New Project (43)
އިންޑިއާގެ ވެރިރަށް ދިއްލީގައި މިދިޔަ އާދީއްތަ ދުވަހު ފެންބޮޑުވި މަގަކުން ހިނގާފައި ދަނިކޮށް ކަރަންޓު ތަނބެއްގައި އަތްލުމުން އަންހެނަކު ކަރަންޓުގައި ޖެހި މަރުވެއްޖެ އެވެ.
ސާކްޝީ އަހޫޖާ ނަމަކަށް ކިޔާ މި އަންހެން މީހާ އާދީއްތަ ދުވަހު ފަތިހު 5:30 ހާއިރު އޭނާގެ ކޮއްކޮ އާއި ތިން ދަރިންނާ އެކު ބޯޕާލް އަށް ދާ ރޭލަކަށް އެރުމަށް ނިއު ދިއްލީ ރޭލްވޭ ސްޓޭޝަނަށް ދިޔަ އެވެ.
ނަމަވެސް ސްޓޭޝަންގެ ބޭރުގައި ފެންބޮޑުވެފައިވާ މަގެއް ހުރަސްކުރުމަށް ދިޔައިރު އެތަނުގައި ހުރި ކަރަންޓު ތަނބެއްގައި ހިފެހެއްޓުމާއެކު ކަރަންޓު ޖެހިގެން އޭނާ މަރުވިއެވެ.
މަންޒަރު ދުށް މީހުން ބުނި ގޮތުގައި އެ އަންހެން މީހާ ކަރަންޓުގައި ޖެހުމާއެކު ކައިރީގައި ތިބި މީހުން އެހީވާން މަސައްކަތް ކުރި އެވެ.
އޭގެ ފަހުން ދިއްލީ ފުލުހުން އެތަނަށް ގޮސް އަންހެން މީހާ ހޮސްޕިޓަލަށް ގެންދިޔަ އިރު ވެސް ވަނީ އޭނާ މަރުވެފައިވާ ކަމަށް ޑޮކްޓަރުން ވަނީ ބުނެފަ އެވެ. މިކަމާއި ގުޅިގެން އަންހެން މީހާގެ ކޮއްކޮ ވަނީ ކަމާބެހޭ ފަރާތްތަކުގެ އިހުމާލު އޮތް ކަމަށް ބުނެ ފުލުހުންނަށް މައްސަލަ ހުށަހަޅާފަ އެވެ.
ކަރަންޓުގައި ޖެހުނު ގޮތާ ބެހޭ ގޮތުން ފުލުހުން ބުނީ އިންސުލޭޝަން ފެއިލްވުމުގެ ސަބަބުން ޕޯލްގައި ހުރި ކޭބަލް އިން އެވަގުތު ކަރަންޓު ލީކުވެފައިވާ ކަމަށެވެ.
ފަހުގެ
