D5TEHpGUUAEIJ8M-6
ކުރިއަށް އޮތް ރިޔާސީ އިންތިޚާބުގައި ވާދަނުކޮށް އެއްވެސް މީހެއްގެ ފަހަތަށް ނާރާނެކަމަށް އިންތިޚާބުގައި ވާދަކުރައްވާނެކަން އިއުލާނުކުރައްވާފައިވަނީ ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެއެވެ.
އުމަރު މިމޭރުމުން ވާހަކަފުޅު ދައްކަވާފައިމިވަނީ ކުރިޔަށް އޮތް ރިޔާސީ އިންތިހާބުގައި ޖޭޕީއިން ވާދަކުރަން ނިންމައި އުމަރުއަށް ދައުވަތު ފޮނުވާފައިވާ ކަމަށްބުނެ މީޑިއާތަކުގައި އަޑުފެތުރިފައިވާ ދަނޑިވަޅެއްގައެވެ. މިކަމާއި ގުޅިގެން ރާއްޖޭގެ ނޫހަކުން ކުރި ސުވާލަކަށް ޖަވާބުދެއްވަމުން އުމަރު ވިދާޅުވީ ރަސްމީކޮށް ގާސިމްގެ ދައުވަތު އަދި ލިބިފައިނުވާކަމަށާއި ނަމަވެސް އެ ފަދަ ދައުވަތެއް އައިސްފި ނަމަވެސް އޭނާ ދޭނެ ޖަވާބު ވަރަށް ސާފުކަމަށެވެ.
އެގޮތުން އޭނާއަކީ އެއްވެސް މީހެއްގެ ފަހަތަށް އަރައި މަސައްކަތް ކުރާނެ މީހެއް ނޫންކަމަށާއި އެހެން ބޭފުޅުން އޭނާއާއެކު މަސައްކަތް ކުރައްވަން ބޭނުންވެލައްވައިފިނަމަ އެކަމަށް އޭނާ މަރުހަބާ ކިޔާނެކަމަށް އުމަރު ވިދާޅުވިއެވެ.
އުމަރު އިތުރަށް ވިދާޅުވީ އެހެން ހާލަތަކަށް ވިސްނުމުގެ ބަދަލުގައި މިވަގުތު އޭނާ މަސައްކަތް ކުރަނީ އިންތިޚާބު ކާމިޔާބުކުރުމަށް ޓަކައި ކުރެވެން ހުރި ކަންކަން ކުރެއްވުމަށް ކަމަށެވެ.
ޖޭޕީގެ ދައުވަތު ޖުމުލަ 5 ފަރާތަކަށް ފޮނުވާފައިވާ ކަމަށް އެޕާޓީގެ ސެކެޓަރީ ޖެނެރަލް އަލީ އާރިފް ވަނީ މީޑިއާ ތަކަށް ކަށަވަރުކޮށްދެއްވާފައެވެ. އެގޮތުން ދައުވަތު ފޮނުވާފައިވަނީ އިދިކޮޅު ޕީޕީއެމް ކޯލިޝަނަށާއި އެމްއެންޕީގެ އިތުރުން އެމްއާރްއެމް އަށާއި ކުރީގެ ބަންޑާރަ ނައިބު ޑރ. މުހައްމަދު މުނައްވަރުގެ އިތުރުން އުމަރު ނަސީރުއަށެވެ. މި ދައުވަތަށް މިވަގުތަށް ޖަވާބު ދެއްވީ ޕީޕީއެމް ކޯލިޝަނާއި އެމްއެންޕީއިންނެވެ. އެދެޕާޓީއިންވެސް ނިންމާފައިވަނީ ޖޭޕީއާއި އެކު ކޯލިޝަން ނެހެދުމަށެވެ.
ފަހުގެ
