ބަލިމިހާއަށް އޮކްސިޖެން ބޭނުންވާ ކަމަށް އަންގާފައެއް ނުވޭ - ވިލިނގިލި ހޮސްޕިޓަލް
villingili
ގއ ގެމަނަފުށީ ސިއްހީ މަރުކަޒުން ގއ ވިލިނގިލީގައި ހުންނަ ގއ އަތޮޅު ހޮސްޕިޓަލަށް ގެންދިޔަ ބަލިމީހާ އެރަށަށް ގެނައި އިރު ބަލިމީހާއަކީ އޮކްސިޖަން ބޭނުންވާ ބަލިމީހެއް ކަން އަންގާފައިނުވާ ކަމަށް ގއ އަތޮޅު ހޮސްޕިޓަލުން ބުނެެފިއެވެ.
ގއ އަތޮޅު ހޮސްޕިޓަލްގެ މެނޭޖަރު ޝަރީފު އަހުމަދު " ގާފު " އަށް މައުލޫމާތު ދެމުން ވިދާޅުވިގޮތުގައި ބަލިމީހާ ސީއެމްބިއުލާންސްގައި ރަށަށް ގެނައި އިރު ބަލި މީހާއަކީ އޮކްސިޖަން ބޭނުންވާ ބަލި މީހެއްކަން އަންގާފައި ނުވާކަމަށާއި އަދި އެތަނަށް އެމްބިއުލާންސް ފުރަތަމަ ފޮނުވި އިރު އެމްބިއުލާންސްގައި އޮކްސިޖަން ނުފޮނުވާ ކަމަށެވެެ.
ޝަރީފު އިތުރަށް ވިދާޅުވިގޮތުގައި ހޮސްޕިޓަލްގެ ޕްރޮޓޮކޯލް އިންނަ ގޮތުން ނަމަ ހޮސްޕިޓަލަށް ސީއެެމްބިއުލާންސްގައި ގެންނަ ބަލި މީހަކު ބަލާ އަންނަން ބުނާނަމަ އެ ގެންނަ ބަލިމީހަކީ އޮކްސިޖަން ބޭނުންވާ ކޭސްއެއްކަން އަންގަން ޖެެހޭޭނެ ކަމަށެވެ. އެހެން ނަމަވެސް ހޮސްޕިޓަލަށް އެކަން އަންގާފައި ނުވާ ކަމަށް ރިސެޕްޝަނުން އެނާއަށް އަންގާފައިވާ ކަމަށް ޝަރީފު ވަނީ ވިދާޅުވެފައެެވެ.
މިވަގުތު ލަފާކުރެވެނީ ބަލި މީހާ ނިޔާވީ ހާޓްއެެޓޭކްއެއް ޖެހިގެެން ކަމަށް ޝަރީފު ވަނީ ވިދާޅުވެެފައެވެ. އެހެން ނަމަވެެސް މިވަގުތު މި މައްސަލަ ހޮސްޕިޓަލުން ތަހުގީގު ކުރަމުން ދާކަމަށާއި އިހްމާލްވި ފަރާތަތަކާއި މެދު ތަހްގީގަށް ފަހު ފިޔަވަޅު އަޅާނެ ކަމަށްވެެސް ޝަރީފު ވިދާޅުވިއެވެ.
ގއ ގެމަނަފުށިން އޮކްސިޖަން ގުޅައިގެން ގއ ވިލިނގިއްޔަށް ސީއެމްބިއުލާންސްގަައި ގެނައި ބަލިމީހާ ނިޔާވެފައިވަނީ މިއަދުގެެ ހަވީރުގެެ ވަގުތެެއްގައެވެ. ނިޔާވެެފައިވަނީ 79 އަހަރުގެ ފިރިހެނެކެވެ.
ފަހުގެ
