ކުރިއަށް އޮތް ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިހާބުގައި ވޯޓުލުމަށް ރީ-ރެޖިސްޓަރ ކުރެވުނު 8000 ފަރާތަކަށް އަލުން ރީ-ރެޖިސްޓަރ ވުމުގެ ފުރުސަތު އެ ކޮމިޝަނުން ދޭން ނިންމައިފިއެވެ.
އިލެކްޝަންސް ކޮމިޝަންގެ ރައީސް އަހުމަދު ޝަރީފް ކުރެއްވި ޓުވީޓެއްގައި ވިދާޅުވީ ވޯޓުގެ ސިއްރުކަން ގެއްލޭ ފަދަ ގޮތަކަށް ރީ-ރެޖިސްޓަރ ކޮށްފައިވާތީ 8000 މީހުންނަށް އަލުން ރެޖިސްޓަރވުމުގެ ފުރުސަތު ހުޅުވާލުމަށް ނިންމާފައި ވާ ކަމަށެވެ. އަދި މި ފަރާތްތަށް އަލުން މިހާރު ރެޖިސްޓަރ ކޮއްފައިވާ ތަން ނޫން އެހެން ތަނެއްގައި ރެޖިސްޓްރީ ވުމަށް މި ހަފްތާގައި ހުޅުވާލާނޭ ކަމަށްވެސް ޝަރީފް ވިދާޅުވިއެވެ.
Reregistration nimunu iru 8000 farathehge votege sirrukan gehley fadha gothakah reregister kohfaivey, mi faraithah alun mihaaru register kohfaa vaa than noon ehen thanakah register vaan mi hafthaa ga furusathu hulhuvaalaanan
— Ahmed Shareef (@ShareefRangondi) March 17, 2021
ކޮވިޑް 19 ގެ ސަަބަބުން އެތައް ފަހަރެއްގެ މަތިން ފަސް ކުރެވުނު ލޯކަލް ކައުންސިލް އިންތިހާބާއި އަންހެނުންގެ ތަރައްގީ އަށް މަސައްކަތްކުރާ ކޮމިޓީގެ އިންތިހާބު ބާއްވަން ތާވަލުކޮށްފައި ވަނީ އޭޕްރީލް މަހުގެ 10 ވަނަ ދުވަހަށެވެ.
މިފަހަރު ގިނަ ރިސޯޓުތަކެއްގައި ވޯޓު ލެވޭނެ އިންތިޒާމް ގާއިމްކުރުމަށް އިލެކްޝަން ކޮމިޝަނުން އަންނަނީ މަސައްކަތް ކުރަމުންނެވެ.
