މަރުގެ ޙުކުމް ތަންފީޒު ކުރުމަކީ ތަރައްޤީގެ ލަނޑުދަނޑިއެއް ކަމެއް ނުދެނަހުރިން - މައުމޫން
Maumoon
މަރުގެ ޙުކުމް ތަންފީޒު ކުރުމަކީ ތަރައްޤީގެ އުސް ލަނޑުދަނޑިއެއް ކަން އެނގިފައިނުވާކަމަށް ކުރީގެ ރައީސް މައުމޫން އަބްދުލްޤައްޔޫމް ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައި މިވަނީ، ދާޚިލީ ސަލާމަތާއި ގުޅޭ ގޮތުން މައުލޫމާތު ހިއްސާކުރެއްވުމަށް މިއަދު ބޭއްވެވި ނޫސްވެރިންގެ ބައްދަލުކުރެއްވުމުގައި، މި ސަރުކާރުން މަރުގެ ހުކުމް ތަންފީޒު ކުރަން ނިންމާފައިވާ ކަމަށް ދާޚީލީ ސަލާމަތާއި ފަންނިއްޔަތާ ބެހޭ ވަޒީރު އަލީ އިހުސާން ވިދާޅުވެފައިވަނިކޮށެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މައުލޫމާތު ހިއްސާކުރައްވަމުން ވަޒީރު އިހުސާން ވިދާޅުވީ، މަރުގެ އަދަބު ތަންފީޒުކުރުމަކީ މި ސަރުކާރުން ކުރަން ނިންމާފައިވާ މަސައްކަތެއް ކަމަށާއި، ނަމަވެސް އެކަމާއި ގުޅިގެން ބަލަންޖެހޭ ގިނަ ކަންތައްތަކެއް ހުރި ކަމަށެވެ. އަދި އެކަންކަން ސަރުކާރުން ކުރައްވަމުން ގެންދަވާ ކަމަށްވެސް ވަޒީރު ވިދާޅުވިއެވެ.
އަދި މަރުގެ އަދަބު ތަންފީޒުކުރުމުގެ ކަންކަން ކުރާނީ ގާނޫނާއި ގަވާއިދުގެ ތެރެއިން ކަމަށްވެސް ވަޒީރު ވިދާޅުވިއެވެ.
ރާއްޖޭގެ ޝަރުޢީ ނިޒާމުގައި މަރުގެ ހުކުމް އިއްވި ނަމަވެސް މިހާތަނަށް އެ ހުކުމް އެއްވެސް ސަރުކާރެއްގައި ތަންފީޒްކޮށްފައެއް ނުވެއެވެ. މިވަގުތުވެސް މަރުގެ ހުކުމް އިއްވާފައިވާ 4 މީހަކު އެބަތިއްބެވެ.
ފަހުގެ
