ބީއެމްއެލް ސްޓާޓަޕް ގްރާންޓުގެ އެހީގައި ސްމާޓް އެގްރިކަލްޗަރ ޕްރޮޖެކްޓެއް!

ބޭންކް އޮފް މޯލްޑިވްސް އިން ދޫކުރާ ސްޓާޓަޕް ގްރާންޓުގެ އެހީގައި ސްމާޓް އެގްރިކަލްޗަރ ޕްރޮޖެކްޓެއް ފަށައިފި އެވެ.

ލ. ގަމުގައި ދަނޑުވެރިކަން ކުރާ އާއިޝަތު ލިއުޝާ ވަނީ ބީއެމްއެލް ސްޓާޓަޕް ގްރާންޓުގެ އެހީގައި ސްމާޓް އެގްރިކަލްޗަރ ޕްރޮޖެކްޓުގެ މަސައްކަތް ފަށާފައެވެ.

މި މަޝްރޫޢުގެ މަޤްޞަދަކީ، ފެންހިންދުމަށް ސޯލާއިން ބޭނުންކުރާ ނިޒާމެއް ބޭނުންކޮށްގެން ދެމެހެއްޓެނިވި ގޮތެއްގައި ދަނޑުވެރިކަން ކުރިއެރުވުމެވެ. މި މަސައްކަތުގައި ގަސްކާނާ އުފެއްދުމަށް ހާއްސަ މެޝިންތަކެއްވެސް ބޭނުންކުރާނެ އެވެ. ލިއުޝާ ވަނީ މި ޕްރޮޖެކްޓް މެދުވެރިކޮށް މުޅި ރާއްޖެއަށް ދަނޑުވެރިކަމުގެ އުފެއްދުންތައް މޮނިޓާ ކުރުމަށް މޮބައިލް އެޕެއް ވެސް އުފައްދައިފަ އެވެ.

ލިއުޝާގެ އުއްމީދަކީ، ރާއްޖޭގައި ދުޅަހެޔޮ، ރައްކާތެރި އުފެއްދުމެއް އުފައްދައި، ދަނޑުވެރިކަމުގެ އުފެއްދުންތެރިކަން އިތުރުކުރުމެވެ.

ބީއެމްއެލް ސްޓާޓަޕް ގްރާންޓަކީ، އުފެދެމުން އަންނަ ވިޔަފާރިވެރިންނަށް ރާއްޖޭގައި ވިޔަފާރިއެއް ފެށުމަށް ނުވަތަ ކުރިއެރުވުމަށް ހިލޭ އެހީގެ ގޮތުގައި 500،000 ރުފިޔާ ލިބޭ ގްރާންޓެކެވެ.