Addu
އައްޑޫ ސިޓީ މަރަދޫފޭދޫގައި ކޮއްކޮއަކު އޭނާގެ ބޭބެގެ ގަޔަށް ވަޅި ހަރައި މަރާލި މައްސަލާގައި މީހަކު ހައްޔަރުކޮށްފި އެވެ.
ރޭ މަރަދޫ-ފޭދޫ ގައި ހިނގި މި މާރާމާރީގައި، މަރުވެފައިވަނީ ބްލޫ ސްޓާ، 27 އަހަރުގެ އަހުމަދު ޝުއައިބް އެވެ. މިމައްސަލާގައި ތުހުމަތު ކުރަނީ އޭނާގެ ކޮއްކޮގެ މައްޗަށެވެ.
ފުލުހުންގެ މީޑިއާ އޮފިޝަލް ވިދާޅުވީ، މި މައްސަލައާ ގުޅިގެން އުމުރުން 25 އަހަރުގެ ދިވެހި ފިރިހެނަކު ހައްޔަރުކޮށްފައިވާ ކަމަށެވެ.
ފުލުހުން ވިދާޅުވީ، އައްޑޫ ސިޓީ މަރަދޫފޭދޫގެ ގެއެއްގައި ތޫނު އެއްޗަކުން މީހަކަށް ހަމަލާދީފައިވާ ކަމަށް ރޭ 23:38 އެހާކަންހާއިރު ފުލުހުންނަށް ރިޕޯޓުކޮށްފައިވާ ކަމަށެވެ. އަދި އަނިޔާވި 27 އަހަރުގެ ދިވެހި ފިރިހެން މީހާއަށް އައްޑޫ އިކުއަޓޯރިއަލް ހޮސްޕިޓަލްގައި ފަރުވާދެމުންދަނިކޮށް ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ފުލުހުން ވިދާޅުވިއެވެ.
މި މައްސަލަ އިތުރަށް ތަހުގީގުކުރަމުން އަންނަ ކަމަށް ފުލުހުން ވަނީ ބުނެފައެވެ.
ފަހުގެ
