logoEN
ކޮކާކޯލާ
މެމްބަރު ޒަރީރަށް ހަމަލާދިން މައްސަލައިގައި ހައްޔަރުކުރި ދެމީހެއްގެ ބަންދުގެ މުއްދަތު އިތުރުކޮށްފި

މެމްބަރު ޒަރީރަށް ހަމަލާދިން މައްސަލައިގައި ހައްޔަރުކުރި ދެމީހެއްގެ ބަންދުގެ މުއްދަތު އިތުރުކޮށްފި

އައިޝަތު އިފާޝާ

logo

5/27/2023, 10:15:19 PM

Member Zareer

ރައްޔިތުންގެ މަޖިލީހުގެ މަތިވެރީ ދާއިރާގެ މެމްބަރު ހަސަން ޒަރީރަށް ހަމަލާދިން މައްސަލައިގައި ހައްޔަރުކޮށްފައިވާ ދެ މީހެއްގެ ބަންދުގެ މުއްދަތު އިތުރުކޮށްފިއެވެ.

އަބުޅޯ

މެމްބަރު ޒަރީރަށް ގުރޫޕަކުން ހަމަލާދީފައިވަނީ މިމަހުގެ 1 ވަނަ ދުވަހުގެ ފަތިހުގެ ވަގުތެއްގައި މާލޭގެ ކެފޭއެއްގެ ތެރޭއިންނެވެ. މިމައްސަލައާ ގުޅިގެން ފުލުހުން ވަނީ މިހާތަނަށް 3 މީހަކު ހައްޔަރުކޮށްފައެވެ. އެއީ މިމަހުގެ 11 ވަނަ ދުވަހު ހައްޔަރުކުރި ދެ މީހަކާއި މިދިޔަ ހަފްތާގެ އަންގާރަ ދުވަހު ހައްޔަރުކުރި މީހެކެވެ.

މިމީހުންގެ ތެރެއިން ބަންދުގެ މުއްދަތު ހަމަވުމާއި ގުޅިގެން، ބަންދުގެ މުއްދަތު އިތުރުކޮށްފައިވަނީ މިމަހުގެ 11 ވަނަ ދުވަހު ހައްޔަރު ކުރި ދެމީހުންނަށެވެ. އެމީހުންގެ ބަންދަށް ކޯޓުން ވަނީ 15 ދުވަސް އިތުރުކޮށްދީފައެވެ.

މި މައްސަލައިގައި ފަހުން ހައްޔަރުކޮށްފައިވަނީ އެމައްސަލައާ ގުޅިގެން ފުލުހުން ހޯދަމުންދިޔަ މީހަކު، މިދިޔަ އަންގާރަދުވަހު ފުލުހުންނާއި އަމިއްލައަށް ހަވާލުވުމުންނެވެ. އޭނާގެ ބަންދަށް ކޯޓުން ވަނީ އެ ދުވަހު 30 ދުވަހުގެ މުއްދަތެއް ދީފައެވެ.

މޯލްޑިވްސް ގޭސް
ކޮމެންޓް
މޯލްޑިވްސް ގޭސް
ފަހުގެ
ގިބްލަ