ބުރިކޮށްފައި އޮތް ފިރިހެން ޖިންސީ ގުނަވަނެއް ޕެޓްރޯލް ޝެޑަކުން ފެނިއްޖެ
އައިޝަތު އިފާޝާ
2/2/2023, 3:31:34 PM
dismembered-penis-alabama-gas-station-parking-01 copy
ޕެޓްރޯލް ޝެޑެއްގެ ޕާކިން އޭރިއާގައި ބުރިކޮށްފައި އޮތް ފިރިހެން ޖިންސީ ގުނަވަނެއް ފެނިއްޖެއެވެ.
އެމެރިކާގެ ޕެޓްރޯލް ޝެޑެއްގައި ފެނިފައިވާ މި ޖިންސީ ގުނަވަން ފެނުނީ އެސަރަހައްދަށްް ދިޔަ އާންްމު ރައްޔިތަކަށެވެ. އޭނާ ވަނީ ޖިންސީ ގުނަވަން ފެނުމާއެކު ފުލުހުންނަށް އެކަން ރިޕޯޓުކޮށްފައެވެ.
އެގޮތުން އިންޓަސްްޓޭޓް 10 ގައި ހުންނަ ޕެޓްރޯލް ޝެޑަކުން ޖިންސީ ގުނަވަނެއް ފެނިގެން ރިޕޯޓުކުރުމާއެކު އެސަރަހައްދުގެ ފުލުހުން ވަނީ އެތަނަށް ގޮސްފައެވެ. މީޑިއާތަކަށްް މައުލޫމާތު ދެމުން ފުލުހުން ބުނީ، އެއީ މަރާމާރީއެއް ނުވަތަ މީހަކަށްް ހަމަލާދީ މަރާލާފައިވާ ކަމުގެ މައްސަލައެއް ނޫން ކަމަށެވެ.
އަދި އެއީ އެދުވަހު ހެނދުނު އެސަރަހައްދުގައި ހިނގި ސައިކަލު އެކްސިޑެންޓާއި ގުޅިފައިވާ ކަމެއް ކަމަށް ފުލުހުން ބުނެފައިވެއެވެ.
އެގޮތުން އެކްސިޑެންޓްވި ސައިކަލުގައި އިން މީހާ ވަގުތުން އެސަރަހައްދުގައި މަރުވެފައިވާ ކަމަށް ފުލުހުން ބުނެފައިވެއެވެ. އަދި އެއީ މަރުވި އުމުރުން 29 އަހަރުގެ ކްރިސްޓޯފާ މީންސްގެ ޖިންސީ ގުނަވަން ކަމަށް ބެލެވޭ ކަމަށްވެސް ފުލުހުން ބުނެފައިވެއެވެ.