ވޯލްޑްކަޕުގެ ދުވަސްވަރާއި ދިމާކޮށް "ފުޓުބޯޅަ ފޯރި" ގެ ނަމުގައި އުރީދޫން ސްޓިކާ ޕެކެއް ނެރެފި އެވެ.

އުރީދޫން ބުނީ މި ފަހަރު ނެރުނު ސްޓިކާ ޕެކްގައި ހުންނާނީ ފުޓުބޯޅައާ ގުޅުން ހުރި "ގޮވެލި"ތައް ކަމަށެވެ. ދިވެހި ލަފުޒުތައް ހިމެނޭ މި ސްޓިކާ ޕެކުގައި "ސަޅި ގޯލު"، "މިފަހަރު މޮޅުވާނެ"، "ދަނޑުން ފައިބާ" ފަދަ ލަފުޒުތައް ހިމެނޭ ސްޓިކާތަކެއް ވަނީ ހިމަނާފާ އެވެ.

މި ޕެކު ޓެލެގްރާމް އަދި ވައިބާ ބޭނުންކުރާ ފަރާތްތަކަށް މިހާރު ޑައުންލޯޑް ކުރެވޭނެ އެވެ. މި ސްޓިކާ ޕެކަށް އެއްވެސް އަގެއް ނުނަގާނެ އެވެ.

އުރީދޫއިން އަންނަނީ ރާއްޖޭގައި ވޯލްޑްކަޕު ފޯރި ގަދަ ކުރުމަށް ގިނަ މަސައްކަތްތަކެއް ކުރަމުންނެވެ.