އޮފީހެއްގެ މުދަލަށް ގެއްލުންދީ، އެތަނުން ވައްކަންކޮށްފައިވާ މައްސަލައެއްގެ ތަހުގީގަށް މީހަކު ހޯދަނީ

އޮފީހެއްގެ މުދަލަށް ގެއްލުންދީ، އެތަނުން ވައްކަންކޮށްފައިވާ މައްސަލައެއްގެ ތަހުގީގަށް މީހަކު ހާޒިރުކުރުމަށް ފުލުހުންގެ ޚިދުމަތުން އިއުލާންކޮށްފިއެވެ.

ފުލުހުންގެ ސީރިއަސް އެންޑް އޮގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ މައްސަލައެއްގައި ހާޒިރުވުމަށް އިއުލާންކޮށްފައިވަނީ ގދ. ތިނަދޫ، ސަކީނާމަންޒިލް، 34 އަހަރުގެ އިބްރާހިމް ނާޝިދުއެވެ. އޭނާ ހާޒިރުކުރަނީ، އޮފީހެއްގެ މުދަލަށް ގެއްލުންދީ އެތަނުން ވައްކަން ކޮށްފައިވާ މައްސަލައެއްގެ ތަހުގީގަށް ސުވާލުކުރުމަށް ކަމަށް ފުލުހުން ބުންޏެވެ.

ފުލުހުން ބުނިގޮތުގައި އޭނާ ހޯދަން އިއުލާންކުރީ އެ މައްސަލައިގެ ތަހުގީގަށް ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ ކަމަށެވެ.

އެހެންކަމުން، މި މަހުގެ 12 ވަނަ ދުވަހުގެ ހެނދުނު 8:30 ގެ ކުރިން ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން އަށް ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށް ހާޒިރުވުމަށް ފުލުހުން ވަނީ އެދިފައެވެ.