އިތުރު ސަރަހައްދުތަކަކަށް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް ރާއްޖޭގެ އިތުރު ސަރަހައްދުތަކަކަށް ހުދު ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން މިއަދުގެ 16:00 އިން މިރޭގެ 22:00 ގެ ނިޔަލަށް ހުދު ސަމާލު ދާދި ދެންމެ އަކު ނެރުނީ ރ އަތޮޅުން ފެށިގެން ވ އަތޮޅާއި ހަމައަށެވެ.

އެގޮތުން އެސަރަހައްދަށް ބޯކޮށް ވާރޭވެހުމާއި އެކު ގުގުރާނެ ކަމަށް މޫސުމާއި ބެހޭ ގައުމީ އިދާރާއިން ލަފާކުރެއެވެ.

މި ސަމާލު ނެރުމުގެ ދެގަޑިއެއްހާއިރު ކުރިން މ އަތޮޅުން ފެށިގެން އައްޑޫ ސިޓީއާއި ހަމައަށްވެސް މޫސުމާއި ބެހޭ ގައުމީ އިދާރާއިން ވަނީ ހުދު ސަމާލު ނެރެފައި އެވެ. އެގޮތުން އެސަރަހައްދަށް ބޯކޮށް ވާރޭވެހުމުގެ އިތުރުން ވިލާގަޑުގައި 40 މޭލަށް ވައިގަދަވާނެ ކަމަށް ވަނީ ލަފާކޮށްފައެވެ.